“Alofa Paia i le Fuafuaga a le Tamā,” Mo Le Malosi o le Autalavou, Me 2022.
Sauniga o le Afiafi o le Aso Sa
O Le Alofa Paia i le Fuafuaga a le Tamā
O Fuaitau
I totonu o le Ekalesia toefuataiina a Iesu Keriso o le Au Paia o Aso e Gata Ai, ua ia i tatou se malamalamaaga uigaese e uiga i le fuafuaga a lo tatou Tama Faalelagi. O lenei mea ua tatou maua ai se isi ala ese e tagai ai i le faamoemoega o le olaga faaletino, le faamasinoga faalelagi o loo mulimuli mai, ma le taunuuga mamalu faaiu o fanau uma a le Atua. …
… O le aoaoga faavae ua faaalia o le Ekalesia toefuataiina a Iesu Keriso ua aoao mai ai e faapea o fanau uma a le Atua—faatasi ma ni tuusaunoaga e matua faatapulaa le iloiloina iinei—o le a iu ina ea ae i se malo o le mamalu. …
… O le tikeri sili ona maualuga o nei malo o le faaeaga i le malo selesitila, lea e mafai ai ona tatou avea e faapei o lo tatou Tama ma Lona Alo, o Iesu Keriso. . …
… O le misiona a le Ekalesia toefuataiina o le fesoasoani lea i fanau uma a le Atua ia agavaa mo mea e finagalo le Atua e fai ma o latou taunuuga faaiu. . …
E taua tele ia i tatou le faaaliga a le Atua e faapea o le faaeaga e na o le faamaoni lava i feagaiga o se faaipoipoga e faavavau i le va o se tane ma se fafine e mafai ona maua ai. O lena aoaoga faavae faalelagi o le mafuaaga lea tatou te aoao atu ai e faapea “o le tulaga tane po o le fafine [o le tagata] o se vaega taua lea o le muai olaga, olaga faitino, ma le faasinomaga e faavavau ma le faamoemoega” [“O Le Aiga: O Se Folafolaga i le Lalolagi,” ChurchofJesusChrist.org]. …
… Tatou te faamautu atu o le folafolaga i le aiga, ua faavaeina i luga o aoaoga faavae e lē masuia, ua faauigaina ai le ituaiga o mafutaga faaleaiga lea e mafai ona tupu ai le vaega sili ona taua o lo tatou atinaega e faavavau. …
… E tatau ona tatou saili e faasoa atu nei upumoni o le faavavau i isi. Ae i le alofa o loo tatou nofoaitalafu ai i o tatou tuaoi, tatou te taliaina ai lava i taimi uma a latou faaiuga. E pei ona aoao mai se perofeta o le Tusi a Mamona, e tatau ona tatou fetaomi atu i luma, ma “le alofa i le Atua ma tagata uma” [2 Nifae 31:20].