“E Maofa ia Keriso ma Lana Talalelei,” Mo le Malosi o le Autalavou, Me 2022.
Sauniga o le Aoauli o le Aso Sa
E Maofa ia Keriso ma Lana Talalelei
O Fuaitau
A o ou faalogologo i ona aafiaga ma lagonaina lona naunautai, sa ou tomanatu i le tele o le ofoofogia faaleagaga, pe a, e faapea e mafai ona tatou ootia mo le talalelei a Iesu Keriso ma le eseesega e mafai ona faia ai i lo tatou avea ai ma so’o ma i la tatou malaga i le ola e faavavau. …
… Ma e moni, o le ute o a tatou taumafaiga i lenei malaga, o poloaiga sili e lua: ia alofa i le Alii lo tatou Atua ma alolofa i o tatou tuaoi e pei o i tatou lava. …
… O le mea lea, pe a tatou tuuto moni atu i tatou lava ma le loto i ai e vaavaai atu ia te Ia ma aoao mai Lana faataitaiga atoatoa, tatou te iloa lelei ai o Ia. Tatou te tuputupu a’e i le naunautaiga ma le manao e faaaofia ai i o tatou olaga le ‘anava laualuga o le ala e ao ona tatou ola ai, le faataitaiga e ao ona tatou faatuina, ma poloaiga e ao ona tatou mulimulita’ia. …
A’u uo pele, o nei mea uma e faamalosia ai lo tatou maofa faaleagaga e faatatau i le talalelei ma faagae’e ai i tatou e tausia ma le fiafia ia feagaiga tatou te osia ma le Alii—e oo lava i le totonugalemu o faigata ma luitau tatou te oo i ai. …
… Ou te tatalo ia tatou tutu atu ma le maofa ia Iesu Keriso ma Lona alofa mae’ae’a, e le uma, ma le atoatoa. Ia avea le manatua o mea e vaaia e o tatou mata, ma mea na lagona e o tatou loto e faateleina ai lo tatou maofa i le taulaga togiola a le Faaola, lea e mafai ona faamaloloina ai i tatou mai o tatou manu’aga faaleagaga ma faalelagona, ma fesoasoani ai ia tatou latalata atili ia te Ia.