“Mausali i Taimi Faigata,” Mo Le Malosi o le Autalavou, Me 2022.
Sauniga o le Taeao o le Aso Toonai
Mausali i Taimi Faigata
O Fuaitau
Mo i tatou o loo popole mo i tatou lava ma mo i latou tatou te alolofa i ai, o loo i ai se faamoemoe i le folafolaga na faia e le Atua e uiga i se nofoaga o le saogalemu i taimi faigata o loo i luma atu. …
O upu faaperofeta a le Tupu o Peniamina ua faatatau foi ia i tatou i o tatou aso. …
Sa ia valaaulia lona nuu ma i tatou ia atiae i luga o le papa mautinoa e tasi o le saogalemu, o le Faaola lea. Sa ia faamanino mai e faapea tatou te saoloto e filifili i le va o le sa’o ma le sese ma e le mafai ona tatou alofia taunuuga o a tatou filifiliga. …
E suia o tatou natura ia avea ai faapei o se tamaitiiti, e usitai i le Atua ma alofa atili. O lena suiga o le a tatou agavaa ai e olioli i meaalofa e auala mai i le Agaga Paia. O le mauaina o le mafutaga a le Agaga o le a faamafanafana, taiala, ma faamalosia ai i tatou. …
Pe a oo mai matagi o le olaga, e mafai ona e mausali ona o loo e tu i luga o le papa o lou faatuatua ia Iesu Keriso. O lena faatuatua o le a taitai atu ai oe i le salamo i aso taitasi ma le tausiga faifai pea o feagaiga. Ona e manatua ai lea o Ia e le aunoa. Ma e ui i matagi o le feitagai ma le amioleaga, o le a e lagona lava le mausali ma le faamoemoe. …
… E pei o se tamaitiiti agamalu ma alofa, talia Lana fesoasoani. Osia ma tausia feagaiga ua Ia ofo mai i Le Ekalesia a Iesu Keriso o le Au Paia o Aso e Gata Ai. O le a latou faamalosia ai oe. Ua silafia e le Faaola matagi ma nofoaga o le saogalemu i luga o le ala e foi atu ai i le aiga ia te Ia ma i lo tatou Tama Faalelagi. Na te silafia le ala. O Ia o le Ala.