“O Le Mana o le Malosi Faaleagaga,” Mo Le Malosi o le Autalavou, Me 2022.
Sauniga o le Taeao o le Aso Sa
O Le Mana o le Malosiaga Faaleagaga
O Fuaitau
O le malosiaga o se manatu faavae mamana. …
O le asō, ou te fia fautuaina atu ni faatinoga patino se lima e mafai ona tatou faia e fesoasoani ai ia i tatou e faatumauina le malosiaga lelei faaleagaga.
Muamua: Oso i luga o le ala o feagaiga ma tumau ai iina. …
… O le ala o feagaiga ua na o le pau lea o le ala e tau atu i le faaeaga ma le ola e faavavau.
Ia maua le olioli o le salamō i aso taitasi. …
… O le salamō o le ki lea i le alualu i luma. O le faatuatua mama e faatumauina ai lo tatou agai i luma i luga o le ala o feagaiga.
Faamolemole, aua ne’i fefe pe faatuai ona salamō. …
O la’u fautuaga lona tolu: Aoao e uiga i le Atua ma le auala e galue ai o Ia. …
… O lea, o le vaifofo i togafiti a Satani ua manino: tatou te manaomia i aso taitasi aafiaga o le tapuai atu i le Alii ma le suesueina o Lana talalelei. …
Fautuaga numera 4: Saili ma faamoemoeina ni vavega. …
… E i ai nai mea o le a faatelevaveina lou malosiaga faaleagaga e sili atu nai lo le iloaina o loo fesoasoani le Alii ia te oe e aveese se mauga i lou olaga.
Fautuaga numera 5: Faamuta fetauaiga i lou lava olaga patino. …
… Faaaoga le lotomaualalo, lototele, ma le malosi e manaomia uma e faamagalo atu ai ma saili ai le faamagaloga. …
… Afai e foliga mai e le mafai ona faamagalo atu, aioi atu mo le mana e ala i le toto togiola o Iesu Keriso e fesoasoani ia te oe. A e faia lenei mea, ou te folafola atu le filemu patino ma se puna tele o le malosiaga faaleagaga. …
A o outou faatinoina nei sailiga, ou te folafola atu ia te outou le tomai e agai ai i luma i luga o le ala o feagaiga faatasi ma se malosiaga faateleina, e ui i soo se faafitauli tou te fetaiai. Ma ou te folafola atu ia te outou le malosi sili atu e tetee ai i faaosoosoga, sili atu le filemu o le mafaufau, saolotoga mai le fefe, ma le lotogatasi sili atu i o outou aiga.