“O Lesona mai le Vaieli,” Mo Le Malosi o le Autalavou, Me 2022.
Sauniga a Tamaitai
O Lesona mai le Vaieli
O Fuaitau
Ou te fia faasoa atu ia te outou ni lesona se tolu o loo ou aoaoina a o faaauau pea ona ou inu mai Lana vaieli o le “vai ola.” [Ioane 4:10].
Muamua: O o Tatou Tulaga ua Tuanai ma le Taimi Nei E Le Filima’otia ai lo Tatou Lumanai …
Mafaufau i le fafine i le vaieli. …
Sa avea o ia ma se molimau mamana, ma folafola atu ia i latou i lona aai o Iesu o le Keriso. “E toatele Samaria i lea aai na faatuatua ia te ia, ona o le upu a le fafine na ia fai atu.” [Ioane 4:39].
O ona tulaga ua tuanai ma le taimi nei sa lei filima’otia ai lona lumanai. E pei o ia, e mafai ona tatou filifili e liliu atu i le Faaola i aso nei mo le malosi ma le faamalologa lea o le a mafai ai ona tatou faataunuuina mea uma na auina mai i tatou iinei e fai.
Lua: O Le Mana o loo i totonu o i Tatou [Mataupu Faavae ma Feagaiga 58:28] …
Uso e, ua i totonu ia i tatou le mana e aumai ai le amiotonu tele! …
Tolu: “Ma o Mea Iti e Tutupu Mai ai Mea Tetele” [Mataupu Faavae ma Feagaiga 64:33] …
Uso e, e mafai ona suia loto ma faamanuiaina olaga a o tatou ofoina atu sina masima, se sipuniti o mea faafefete, ma se ave o le malamalama.
Ou te molimau atu o le Faaola o le masima i o tatou olaga, o loo valaauliaina i tatou e tofo i Lona olioli ma le alofa. O Ia lea o le ua faafefete pe a faigata o tatou olaga, e aumaia ia i tatou le faamoemoe ma le siitiaina o a tatou avega e ala i Lona mana le mafaatusalia ma le alofa togiola. O Ia o lo tatou malamalama, e faamalamalamaina lo tatou ala e toe foi atu ai i le aiga.