“O Le Galuega Faafaifeautalai ua Faamanuiaina ai Lo‘u Olaga e Faavavau,” Mo le Malosi o le Autalavou, Me 2022.
Sauniga o le Taeao o le Aso Toonai
O Le Galuega Faafaifeautalai Ua Faamanuiaina ai Lo’u Olaga e Faavavau
O Fuaitau
Pe a ou toe tepa i tua i lo’u olaga, ua mafai ona ou vaai i ni aafiaga patino sa faia ai se eseesega tele. O se tasi o na aafiaga o le ala na faamanuiaina ai lo’u olaga ma faatonutonuina lo’u taunuuga faaleagaga e la’u auaunaga faafaifeautalai o se alii talavou i Egelani. …
O la’u galuega faafaifeautalai na saunia ai a’u ia avea o se tane ma se tamā sili atu, ma ia faamanuiaina i tulaga faapisinisi. Na saunia ai foi a’u, mo se auaunaga i le olaga atoa i le Alii i Lana Ekalesia. …
E silafia oe e le Alii. Pe a e auauna atu i lau misiona, o le a e maua aafiaga o le a fesoasoani e te iloa lelei atili ai o Ia. …
I le avea ai ma se Aposetolo a le Alii o Iesu Keriso, ou te valaau atu nei ia te outou alii talavou—ma na tamaitai talavou o e mananao e auauna atu i se misiona—ia amata nei loa ona talanoa i o outou matua e uiga i le auauna atu i se misiona. Ou te valaaulia foi outou e talanoa ia outou uo e uiga i le auauna atu i se misiona, ma afai e le o mautinoa e se tasi o au uo pe alu, fautuaina i latou e talanoa i o latou epikopo.
Tuuto atu ia te outou lava ma i lo outou Tama Faalelagi o le a outou auauna atu i se misiona ma mai i lenei taimi e agai atu i luma, o le a outou taumafai malosi e tausisia le mama ma le agavaa o outou loto, lima ma mafaufau. Ou te valaaulia outou ia maua se molimau mautu i le talalelei toefuataiina a Iesu Keriso. …
Ou te tatalo o le a vaai outou alii talavou ma tamaitai talavou ma o outou matua ma iloa le ala o le a faamanuiaina ai e faavavau lou olaga i le galuega faafaifeautalai.