“Ia Faamaloloina le Lalolagi,” Mo Le Malosi o le Autalavou, Me 2022.
Sauniga o le Taeao o le Aso Sa
Ia Faamaloloina le Lalolagi
O Fuaitau
O le a le saolotoga faaletapuaiga?
O le saolotoga e tapuai ai i ona ituaiga uma: saolotoga e faapotopoto ai, saolotoga e tautala ai, saolotoga e faatino ai talitonuga faaletagata lava ia, ma le saolotoga mo isi e faia ai foi le mea lava lea. O le saolotoga faaletapuaiga e mafai ai e i tatou taitoatasi ona filifili mo i tatou lava le mea tatou te talitonu i ai, pe faapefea ona tatou ola ma faatino e tusa ai ma lo tatou faatuatuaga, ma le mea o faamoemoeina mai ai le Atua ia i tatou. …
I le lotolotoi o le fenumia’iga i le 1842, sa lolomi ai e Iosefa [Samita] ia mataupu faavae e 13 o le Ekalesia ua faatupula’ia, e aofia ma lenei: “Ua ia i matou le aia tatau matou te tapuai atu ai i le Atua Mamana e tusa ai ma o matou lava lotofuatiaifo, ma ua matou tuuina atu foi lea aia tatau i tagata uma, e faitalia i latou, pe faapefea, po o fea, po o le a foi le mea latou te tapuai atu i ai” [Mataupu Faavae o le Faatuatua 1:11].
O lana faamatalaga e lautele e aofia ai le, faasaolotoina, ma le faaaloalo. O le fatu lena o le saolotoga faaletapuaiga. …
Tatou mafaufau faatasi i auala e fa e manuia ai sosaiete ma tagata taitoatasi mai le saolotoga faaletapuaiga.
Muamua. O le saolotoga faaletapuaiga e faamamalu ai poloaiga sili muamua ma le lua e tuu ai le Atua i le totonugalemu o o tatou olaga. …
Lona Lua. O le saolotoga faaletapuaiga e atia’e ai faaaliga o talitonuga, faamoemoe, ma le filemu. …
Lona Tolu. O le tapuaiga e musuia tagata e fesoasoani i isi. …
Ma le lona fa. O le saolotoga o tapuaiga e faatino o se malosiaga soofaatasi ma galulue faatasi mo le mamanuina o mea e faatauaina ma le ola mamā. …
Ou te valaaulia outou ia taulamua i le faamoemoe o le saolotoga faaletapuaiga. O se faailoaga o le mataupu faavae na tuuina mai e le Atua o le faitalia.