“Mulimuli ia Iesu: Avea ma Sē e Faatupuina Le Filemu,” Mo Le Malosi o le Autalavou, Me. 2022.
Sauniga o le Taeao o le Aso Toonai
Mulimuli ia Iesu: Avea ma Sē e Faatupuina Le Filemu
O Fuaitau
Na aoao atu e le Faaola le ala e ola ai i lena taimi ma le taimi nei i se lalolagi ua tumu i le llē migao. “Amuia e faatupuina le filemu,” na Ia fetalai ai, “aua e ta’ua i latou o atalii o le Atua.” [Mataio 5:9]. …
E faapefea e se e faatupuina le filemu ona faatoafilemu ma faato’ato’a u fanafana mu? O le mea moni e le faia i le solomuli mai ē taufaatauvaaina i tatou. Ae, ia tumau lo tatou talitonu mautinoa i lo tatou faatuatua, faasoa atu ma le maumaututu o tatou talitonuga, ae aua lava ma le ita po o le lotoleaga. …
O le a se mea e aumaia ia i tatou le malosiaga i totonu e faatoafilemu ai, faato’ato’a, ma faatoilalo ia u fanafana mu o loo ta’i faasaga i upumoni tatou te faamemelo i ai? O le malosiaga e sau mai lo tatou faatuatua ia Iesu Keriso ma lo tatou faatuatua i Ana afioga. …
E ui o lo matou faanaunauga lotomaualalo ia faamamaluina ia aoaoga a le Faaola e tagata uma, o afioga a le Alii e ala mai i Ana perofeta e tele ina feteenai ma mafaufauga ma aga o le lalolagi. O le mea lava lea ua leva ona i ai. …
Tatou te alolofa ma tausia ma le faamaoni o tatou tuaoi uma, pe latou te talitonu pe leai e pei ona tatou tatou talitonu i ai. …
… E i ai taimi pe a avea o se e faatupuina le filemu, o lona uiga tatou te teena le uunaiga e tali atu, ma nai lo le faia o lena, tatou te fifilemu ma le mamalu. …
… O le mea e faanoanoa ai, e le o tagata uma o le a tumau mausali i lo latou alolofa i le Faaola ma lo latou naunautaiga e tausi Ana poloaiga. …
E mafai foi ona tatou o ese mai finauga ma faamanuia olaga o isi, ae tatou te le faaesea i tatou lava i o tatou pa’usisi. …
Ina tatou alolofa ia ia te Ia ma ia tatou fealofani. Tau ina ia avea i tatou ma e faatupuina le filemu, ina ia ta‘ua i tatou o “fanau a le Atua.”