“E Faamaloloina e Keriso Mea ua Gauia,” Mo le Malosi o le Autalavou, Me 2022.
Sauniga o le Taeao o le Aso Sa
E Faamaloloina e Keriso Mea ua Gauia
O Fuaitau
Ata na pueina e Mark Mabry
E tele mea e mafai ona tatou aoao mai tusitusiga paia i le ala o le a fesoasoani ai lo tatou Faaola, o Iesu Keriso, e faatautaia ma le manuia ia mea i o tatou olaga e ta’ei pe gauia, tusa lava po o le a lo tatou matutua. …
A o aoao atu le Faaola i totonu o le malumalu, sa aumaia ia te Ia e le au tusiupu ma le au Faresaio se fafine. Tatou te le iloa lona tala atoa, ae pau lava faapea na “molia o ia i le mulilua” [Ioane 8:4]. …
O le tali a Keriso i lenei afafine faapelepele o le Atua o le “Ou te le faasala foi ia te oe; alu ia oe, aua e te toe agasala” [Ioane 8:11]. O se isi auala e fai atu ai, “alu ia oe, aua e te toe agasala” o le “agai i luma ma ia suia.” Sa valaaulia e le Faaola o ia ia salamo. …
Ua aoao mai i tatou e le Alii e faapea o le faamagalo atu o se poloaiga masani lautele: “O Aʼu, o le Alii, Ou te faamagalo i lē o le a Ou faamagaloina, ae o outou ua poloaiina ia faamagalo atu i tagata uma” [Mataupu Faavae ma Feagaiga 64:10]. …
E tele taimi i o tatou olaga e mafai ai ona tatou iloa i tatou lava, faapei o le pipili ‘aisi i le faitotoa o le malumalu, “sa faatalitali ai i le Alii” ma le onosai—po o nisi foi taimi ua le lava le onosai” [Isaia 40:31]. …
O le faaaoga o le faatuatua ia Keriso o lona uiga o le faalagolago lea e le gata i le finagalo o le Atua ae faapea foi i Lana taimi. Aua Na Te silafia tonu le mea tatou te manaomia ma le taimi tonu tatou te manaomia ai. …
… Ou te molimau atu ia te oe, e leai se mea e gauia i lou olaga, e le gafataulimaina e le mana e mafai ai ona faamalolo, togiolaina, ma le gafatia o Iesu Keriso.