“O I Tatou O Le Ekalesia a Iesu Keriso o le Au Paia o Aso e Gata Ai,” Mo le Malosi o le Autalavou, Me 2022.
Sauniga o le Taeao o le Aso Toonai
O I Tatou O Le Ekalesia a Iesu Keriso o le Au Paia o Aso e Gata Ai
O Fuaitau
I le mavae ai o le valaaulia e “sau ia, ina matamata,” [Ioane 1:46], sa ou auai i Le Ekalesia a Iesu Keriso o le Au Paia o Aso e Gata Ai mo le uluai taimi i le 26 o o’u tausaga. E le’i leva ona ma tete’a ma lo’u toalua muamua. Sa i ai la’u tama tama e tolu-tausaga-le matua. Ma sa ou lagonaina le leai o se malosi i le fefe. Ina ua ou ulufale atu i le fale, sa tumu a’u i le mafanafana a o ou vaaia le faatuatua ma le olioli o tagata na siomiaina a’u. …
A’u soo faapaaga o Keriso, aua tatou te vaai maualalo i le galuega ofoofogia o loo faia e le Alii e ala atu ia i tatou, Lana Ekalesia, e ui i o tatou vaivaiga. O nisi taimi o i tatou o e foa’i atu a o nisi foi taimi o i tatou o e mauaina, ae o i tatou uma o se aiga e tasi ia Keriso. …
… O le Ekalesia ua le na o ni fale ma le fausaga faaleekalesia; o le Ekalesia o i tatou, o tagata auai ai. O i tatou o Le Ekalesia a Iesu Keriso o le Au Paia o Aso e Gata Ai, ma Keriso i le ulu, a o le perofeta o Lana fofoga fetalai. …
O lo tatou faamoemoega i Lona malo o le aumaia lea o le tasi ma le isi ia Keriso. …
Mai se tama itiiti o le e totogi ma le faatuatua le sefuluai, i se tina nofotoatasi e manaomia le alofatunoa o le Alii e faamanaina ai, i se tamā o tauivi e saunia mea moomia mo lona aiga, i o tatou augatama o loo moomia sauniga o le faaolataga ma le faaeaga, ia i tatou taitoatasi o e e faafouina feagaiga ma le Atua i vaiaso taitasi, tatou te manaomia le tasi ma le isi, ma e mafai ona tatou aumaia le tasi ma le isi i le faamalologa togiola a le Faaola.