“Ikonektar,” Alang sa Kalig-on sa mga Kabatan-onan, Hunyo 2022.
Ikonektar
Varvara C. ug Ivanna V.,
16 ug 15, Ukraine
Litrato gihatag sa pamilya
Kumusta! Managsoong babaye kami gikan sa Ukraine. Isip ang bugtong mga miyembro sa Simbahan sa among eskwelahan, kami daghan kaayo og oportunidad sa pagdapit sa mga higala ngadto sa mga kalihokan sa Simbahan ug motudlo kanila mahitungod sa among mga sumbanan. Pareho kaming ganahan nga mosayaw, apan usahay ang among grupo sa folk-dance magbansay ma-Dominggo. Kon ipasabot namo sa among mga higala nga dili kami motambong sa mga pagbansay sa Dominggo tungod sa simbahan, mangutana sila kanamo.
Varvara: Kon dili maayo ang inyong adlaw, mahimo kamong mobasa sa Basahon ni Mormon ug makakaplag ug tabang. Usa ka higayon sa dihang nagbasa ko, nakakaplag ako og kasulatan nga nag-anggid sa akong adlaw ug sa akong eksakto nga sitwasyon. Ganahan ko sa pagbati ug sa palibot sa simbahan. Ganahan usab ko nga mokanta sa mga himno tungod kay kini nagtabang kanako nga mobati sa Espiritu.
Ivanna: Wala ko nagtuo nga nagpugong o lisod ang mga sugo. Hinuon, nakita nako ang mga panalangin nga naggikan niini, ilabi na sa Pulong sa Kaalam. Sa Ukraine, daghang tin-edyer ang moinom og ilimnong makahubog. Nagtrabaho ko sa usa ka kuwadra sa kabayo, ug kon ang mga kauban sa trabaho motanyag kanako og ilimnong makahubog, sultihan nako sila nga dili ko moinom. Wala kini nakapamenos sa ilang pagtan-aw kanako. Nagpabilin akong lig-on sa akong mga gituohan ug wala magpadala sa tintasyon. Nasayod ako nga wala ako mag-inusara. Ang Langitnong Amahan mosuporta kanako bisan kanus-a kon ako adunay mga problema.