Direkta sa Punto

Dili ko mohilak kon mabati nako ang Espiritu. Adunay bay sayop kanako?

Ang paghilak dili lamang ang reaksiyon sa pagbati sa Espiritu sa Dios. Kini dili gani ang labing komon nga timailhan nga anaa ang Espiritu.

Si Presidente Howard W. Hunter (1907–95) kausa miingon: “Mabalaka ko kon morag ang kusganon nga pagbati o ang paghilak pag-ayo sabton nga anaa ang Espiritu. Tinuod ang Espiritu sa Ginoo makadala og kusganon nga emosyonal nga mga pagbati, lakip sa mga luha, pero kana nga pagpakita dili angayng kalibgan nga mao na kini mismo ang presensya sa Espiritu” (sa Isangyaw ang Akong Ebanghelyo: Usa ka Giya sa Misyonaryo nga Pangalagad [2004], 117).

Adunay daghang paagi nga mamatikdan ang Espiritu Santo. Mahimong mobati ka og kalinaw ug kakalma. Mahimong aduna kay tin-aw nga panghunahuna ug dinasig nga mga hunahuna. O mahimong mobati ka og positibo nga mga emosyon sama sa gugma, hingpit nga kalipay, kaaghop, pailob, o ang tinguha lang nga mobuhat og maayo. (Tan-awa sa Doktrina ug mga Pakigsaad 6:15, 23; 8:2; 11:12–14; Mga Taga-Galacia 5:22–23; Moroni 7:13.) Kon nakasinati kamo niini nga mga matang sa mga butang, mahimo kamong magmasaligon nga nabati ninyo ang Espiritu. Ang kusganon nga mga emosyon mahimong mopaluha sa inyong mga mata, apan kinahanglan dili kamo maghunahuna nga kini ang labing segurado o ang labing maayo nga paagi nga mamatikdan ang Espiritu.