“Fesootai,” Mo Le Malosi o le Autalavou, Aok. 2022.
Fesootai
Daniel F.
17, Madrid, Sepania
Ata na pueina e Fernando J. Calderón
Sa ou fanau i le Ripapelika o Tominika. Ae i le 15 o o‘u tausaga, ina ua tetea ou matua, sa ou siitia atu i Sepania e nonofo ma lou tina. Ou te fiafia i Sepania ona o nofoaga malie ma meaai manaia—aemaise lava o churros.
Sa auai lo‘u tina i le Ekalesia ae ou te lei siitia atu e faatasi ma ia. Sa i ai lava i taimi uma lana Tusi a Mamona i lo matou fale. I se tasi o aso sa amata ai ona ou faitau ma sa ou iloaina moni lava Nifae. Sa ou auai i le lotu, ma sa mafai ona ou lagona ai le Agaga iina. Sa ou iloa e moni le Ekalesia, ma sa ou fiafia lava e papatiso i le 16 o o‘u tausaga.
E mafai ona ou vaaia le aafiaga o le papatisoina ma le mauaina o le meaalofa o le Agaga Paia i lo‘u olaga. O loo fesoasoani mai lo‘u epikopo ia te a’u e saunia e auauna atu i se misiona, ma faatoa ou mauaina la‘u pepa faataga o le malumalu.
Ua na o au le ositaulaga i la‘u uarota, o lea ou te faamanuia ai le faamanatuga i vaiaso taitasi. Sa fai si o‘u popole i le taimi muamua ona sa gauai mai tagata uma ia te au. Ae sa ou faataitaia ma tatalo ina ia fesoasoani mai le Atua ia te au ia ou le lagonaina le popole tele.
Ou te iloa ou te lagona le fiafia ona o le talalelei a Iesu Keriso.