Lea Fuaitau i luga o Lea Fuaitau

Alu A’e i le Mauga o Ieova

I le Salamo 24, tatou te aoao ai i le uiga moni o le tutu i nofoaga paia.

Salamo 24:3–4

3 O ai ea se alu ae i le mauga o Ieova? o ai se tumau i lona afioaga paia?

4 O le ua i ai lima mamā, ma le loto mamā; o le ua le naunau lona loto i le mea faatauvaa, ma ua le tauto faa’ole’ole.

alu a’e

O le alu i luga pe a‘e.

mauga o le Alii

I tusitusiga paia, o se mauga e mafai ona faatusa i le malumalu. O le mauga o le Alii e faatusa i se nofoaga faaleagaga maualuga atu lea e mafai ona tatou latalata atili atu ai i le Atua. Tatou te “o a‘e i le mauga o Ieova” pe a tatou saunia e ulu atu i le malumalu ma ulufale atu loa i ai.

lima mamā ma se loto mamā

E i ai o tatou lima mamā pe a tatou taumafai e ola amiotonu ma salamo pe a tatou agasala. E mamā o tatou loto pe a tatou taumafai malosi ia maua mafaufauga lelei, amio mamā ma faamoemoega amiotonu.

naunau lona loto i mea faatauvaa

O le faasausili o le faamaualuga tele lea po o le faamemelo i ona lava foliga, tomai, po o ausiaga. Nai lo le faamaualuga, e tatau ona tatou taumafai ia lotomaualalo ma tauagafau i mea tatou te tautatala ai ma lavalava e oofu ai ma le auala tatou te taulima ai isi.

tauto faaoleole

O se tagata e “alu a‘e i le mauga o Ieova” e tatau ona faamaoni. E tatau ona tatou taumafai ia avea ma tagata amio sa‘o.