“Wafikie Wengine na Tafuta Yaliyo Mema,” Kwa Ajili ya Nguvu kwa Vijana, Sept. 2022.
Msaada Kimaisha
Wafikie Wengine na Tafuta Yaliyo Mema
Sisi sote tuko tofauti, sote tu watoto wa Mungu, na hilo ni la kupendeza!
Picha kutoka Getty Images
Fikiria kuishi duniani ambapo kila picha ya kuchora ingelipakwa rangi ya bluu tu, vyakula vyote vingekuwa vya ladha hiyo hiyo, na kila wimbo ungelikuwa na noti moja tu. Sijui kuhusu wewe, lakini mimi nafikiri ingekuwa imepoza sana!
Tofauti katika sanaa, ladha, na muziki huufanya ulimwengu pasipo ukomo kuwa wa kupendeza na mzuri zaidi. Katika njia hiyo hiyo, watu wanazo asili tofauti tofauti, imani, utaifa, ukabila, na uzoefu ambavyo huufanya ulimwengu kuwa wa kupendeza.
Tangu umri wangu wa udogo, niliishi huko Arabuni, sehemu kubwa ya ulimwengu wa Kiislamu, kwa miaka mingi. Kwa sehemu ya wakati huo, nilikuwa ninasoma katika shule ya bweni huko Uingereza. Katika mazingira yote mawili, Arabuni na Uingereza, nilikutana na watu tofauti wengi. Mwanzoni ingekuwa vigumu kuzungukwa na aina hii tofauti ya watu walio tofauti na mimi mwenyewe. Lakini hatimaye, nilijifunza kupitia matukio kwamba tofauti nyingi ni nzuri, na zinapendeza! Maisha yangu yametajirishwa kupita kipimo na kutokana na mwingiliano na watu wa tamaduni na imani tofauti katika sehemu nyingi za ulimwengu.
Hapa ni baadhi ya vitu nilivyojifunza ambavyo vinaweza kukusaidia wewe kuheshimu na kuwaelewa wale walio tofauti na wewe.
Tafuta lililo Jema
Nyakati zingine mema ya watu yawezekana yasionekane mara moja, lakini inashangaza jinsi tunavyogundua mema wakati tunapoyatafuta kwa upendo na huruma. Ufanyapo hivyo, moyo wako utafunguliwa ili ujifunze kutoka kwa wengine.
Inasaidia kukumbuka kwamba watu wanaweza wakatenda katika njia usiyoielewa kwa sababu wameumizwa kwa namna fulani. Karibia kila mmoja anajisikia kuwa katika mazingira magumu au anahangaika na jambo fulani. Labda nawe unajisikia hivyo pia. Unapoelewa hili, yaweza kuwa rahisi kuona mema katika wengine kwa sababu unaweza kuelewa vyema kwa nini watu wako jinsi walivyo. Ndipo unaweza kupata njia za kuwasaidia na kuwabariki.
Kwa Bidii Sikiliza.
Njia ya kuheshimu na kuelewa inaanza pale tunaposikiliza—kusikiliza kweli— kwa wengine. Kama waumini wa Kanisa la Yesu Kristo la Watakatifu wa Siku za Mwisho, mara nyingi tumekuwa wepesi kushiriki injili na wengine, na hichi ni kitu chema. Hata hivyo, injili ya Yesu Kristo ni zawadi tukufu na ya milele tunayoweza kushiriki na wengine. Lakini nyakati zingine tunashiriki na wengine imani zetu kabla hatujaelewa cho chote kuhusu wao. Tunahitaji kusikiliza kwa makini kutoka kwa wengine na kujifunza kutoka kwao. Tunaweza kupanua uelewa wetu—na shukrani zetu kwa ajili ya—kila mmoja tunayekutana naye.
Tafuta Hoja Inayokubaliwa na Wote
Wakati wa ziara yangu ya hivi karibuni huko Ghuba ya Arabuni, nilikutana na watu wengi sana walio tofauti sana na mimi. Lakini nilipopata kuwajua, niligundua kwamba imani zetu za msingi wala hazikuwa tofauti sana. Nilivutiwa na mifanano.
Kitu kimoja nilichogundua tunafanana ni hamu yetu ya kutaka kuwasaidia wakimbizi ambao wamekimbizwa kutoka kwenye makazi yao na kuumizwa na migogoro. Kupatikana kwa hamu hiyo ya pamoja kilikuwa kitu kikubwa sana. Nilifurahia hilo na nikajisikia upendo mkubwa sana kwa watu wale niliokutana nao.
Mara tunapokuwa tumepata hoja ya pamoja, tuliweza sasa kuongelea kuhusu tofauti zetu, vile vile maadili tuliyo nayo kwa pamoja, kwa manufaa halisi katika kujifunza kuhusu kila mmoja. Uzoefu huu ulinikumbusha kwamba watu wema mahali po pote wanajaribu kufanya mema kulingana na imani zao.
Kuwa Mwangaliaji
Njia kubwa ya kuingiliana na wengine ni kuwa mwangaliaji na mwenye kutafuta njia ya kuanzisha maongezi. Kwa mfano, kama unaona mtu fulani ana baiskeli nzuri, sema, “Ah, nimeipenda baiskeli yako!” kisha waulize juu ya hiyo baiskeli.
Swali rahisi kama vile “ U hali gani ndugu?” inaweza kusaidia kukuunganisha na mtu. Unaweza usijisikie vizuri mwanzoni. Inahitaji mazoezi, lakini inafurahisha mara unapokuwa umepata uzoefu na hiyo salamu.
Tazama Nje Yako Wewe Mwenyewe
Mwokozi alikutana na watu wengi kutoka tamaduni zingine. Pia aliwasaidia wale ambao kila mmoja aliwaepuka. Alienda nje ya utaratibu Wake ili akutane na wagonjwa na waliotengwa na jamii. Aliongea nao, na Aliwaponya.
Kama tukichukua njia yake isiyo na ubinafsi, ulimwengu utakuwa mahali bora zaidi. Wasaidie wengine katika njia kubwa na ndogo. Watumie ujumbe mzuri wa maandishi, wape zawadi, mjumuishe mtu ambaye amesahauliwa na wengine. Matendo mema kama haya yatakusaidia wewe kujiunga na wale wanaokuzunguka. Kwa mshangao, matendo haya yanatufanya sisi tujisikie vizuri pia.
Usikose
Amri kuu ya pili ni “mpende jirani yako kama nafsi yako” (Mathayo 22:39). Kumbuka kwamba sisi sote tu watoto wa Mungu. Mtazamo wangu kwa ulimwengu unapanuka na ninakuwa bora wakati ninapokutana na wengine—majirani zangu—ambao wako tofauti na mimi. Usikose kitu unachoweza kujifunza kutoka kwa wengine.
Kama utawasaidia na kujifunza kupenda na kuheshimu tofauti za kila mmoja anayekuzunguka, utashangaa jinsi ulimwengu unavyoweza kuwa angavu na wa kupendeza.