Maswali na Majibu

“Kushiriki sakramenti nyumbani lilikuwa jambo kubwa mno. Kwa nini Bwana anatutaka turudi kanisani?

“Hudhuriaji Kanisani hutupatia nguvu na ongezeko la imani ambalo huja kutokana na kujumuika na waaminio wengine na kuabudu pamoja na wale ambao wanajitahidi pia kubaki kwenye njia ya agano na kuwa wafuasi wazuri zaidi wa Kristo.

Rais Dallin H. Oaks, Mshauri wa Kwanza katika Urais wa Kwanza, mkutano mkuu wa Okt. 2021 (Liahona, Nov. 2021, 26).

Ona Mafundisho na Maagano 59:9-10.

Kuwa Walioungana

“Bwana anatutaka turudi kanisani kwa sababu anatutaka tuwe karibu zaidi na Yeye. Pia anatutaka tuwe watu walioungana kama akina kaka na akina dada. Kwa kwenda kanisani, tunakuwa watu walioungana, tunasaidiana, na kumwonyesha Yeye shukrani kwa yale yote Yeye aliyoyafanya kwa ajili yetu sisi. Pia tunaimarisha imani yetu na kujifunza mafundisho mapya.”

Melanie M., 13, Mexico

Nguvu kupitia idadi

“Sakramenti nyumbani ilikuwa vizuri kwa sababu ilimleta Roho ndani ya nyumba zetu na ilitusaidia sisi kutambua tunapaswa kulileta kanisa ndani ya nyumba zetu badala ya kufokasi juu yake mara moja tu kwa wiki. Hata hivyo, nyakati zingine kanisa kuwa nyumbani linaweza kukufanya ujisikie upweke. Mtu-kufika kanisani ni muhimu kwa sababu inatengeneza nguvu kupitia idadi.”

Nathan G., 15, Arizona, Marekani

Inajenga Uhusiano

“Kanisani kuna mazingira ya upendo. Hapo, unaweza kujenga uhusiano na kubariki maisha ya wengine papo hapo nawe ukiwa umebarikiwa. Kanisa pia ni muhimu kwa ajili ya kujenga maarifa yako juu ya injili. Bwana anatutaka tuhubiri injili kwa wale watu wanaotuzunguka na tuijenge Sayuni.

Amelia W., 16, Utah, Marekani

Uwe Hapo kwa ajili ya Wengine

“Wakati janga la ulimwengu wote lilipoanza, nilihofia tusingeweza kupokea sakramenti, lakini punde askofu akaturuhusu kuipokea nyumbani! Baadhi ya watu wanashangaa kwa nini tunapaswa kurudi tena kanisani, lakini mimi nafikiri lazima turudi ili kuwaangazia wengine—kuongea nao au kumsaidia mtu fulani. Ni lazima twende kanisani kutoa upendo wetu na kushirikiana na wengine uzoefu wetu.

Tamara M., 17, Mexico

Kufanya Upya Maagano

“Mungu anatutaka turudi kanisani kwa sababu sio kila mtu ameweza kupokea sakramenti katika nyumba zao. Babu yangu aliniambia kwamba, kama mwanaume mwenye ukuhani, ninapaswa kuhakikisha kwamba kila mtu anapata fursa hii. Ni muhimu kwetu sisi kwenda kanisani ili tuweze kufanya upya maagano yetu.”

Esteban M., 16, Argentina

Majibu yanakusudiwa kwa ajili ya msaada na mtizamo, na sio kama matamko rasmi ya mafundisho ya Kanisa.

Je, Wewe Unafikiria Nini?

“Ninawasikia wengine wakizungumzia kuhusu matukio yao wa kiroho. Je, nifanye nini kama sihisi kama ninayo?”

Tuma jibu na picha yako kabla ya Oktoba 15, 2022.

Tuandikie barua pepe kwenye [e-mail]. Au nenda kwenye ftsoy.ChurchofJesusChrist.org na bofya “Wasilisha Kazi Yako.” Ingia kwa kutumia Akaunti yako ya Kanisa kisha uchague “Kwa Ajili ya Nguvu kwa Vijana” kwenye sehemu ya “Chagua Gazeti.” Bofya “Ongeza Faili” ili uchague faili na picha zako, kisha ubofye “Wasilisha” ili upakie na utume faili yako.

Majibu yanaweza kuhaririwa kwa ajili ya urefu au ufafanuzi.