“Ikonektar,” Alang sa Kalig-on sa mga Kabatan-onan, Okt. 2022.
Ikonektar
Kewa H.
11, New Zealand
Litrato pinaagi ni Kau‘i Wihongi
Ganahan ko nga magpuyo sa New Zealand, diin duol ako sa akong kahigalaan ug pamilya. Usa ka butang nga ganahan kaayo nako nga buhaton mao ang pagdula og basketball ug uban pang sport kauban sa akong mga higala. Ang New Zealand makalingaw tungod kay daghan kaayo og nindot nga mga baybayon ug mga uma nga adunay mga baka ug mga karnero.
Akong ipakita ni Jesukristo nga gihigugma nako Siya kon ako mag-ampo ug mobasa sa mga kasulatan ug kon ako mogamit sa teknolohiya sa paghimo og maayong mga butang sama sa pagkat-on pa og dugang kabahin Niya. Kon ako mag-ampo sa Langitnong Amahan, nakahibalo ko nga Siya nakadungog kanako. Ako mipili nga magpabunyag aron ako mas mapaduol ngadto ni Jesus ug dayon maanaa kanako ang Espiritu Santo aron motabang kanako. Kon ako mohimo og maayo nga mga pagpili, maanaa ang Espiritu Santo uban kanako.
Ang pagserbisyo ug pagtabang sa akong pamilya mao ang usa sa mga paagi nga ako misunod ni Kristo. Usa ka paagi nga ako moserbisyo sa akong pamilya mao ang pag-andam sa ilang pamahaw ug pagpakigdula sa akong mga igsoong babaye. Ako usab usa ka sumusunod ni Kristo kon ako usa ka maayo nga ehemplo sa akong mga higala pinaagi sa paggamit og maayo, mabination nga mga pulong ug pagtabang nila nga makahimo og maayo nga mga pagpili. Makapalipay kanunay nako nga mosunod sa Manluluwas.