“Fesootai,” Mo le Malosi o le Autalavou, Oke. 2022.
Fesootai
Kewa H.
11, Niu Sila
Ata na pueina e Kau‘i Wihongi
Ou te fiafia e nofo i Niu Sila, lea ou te latalata ai i a’u uo ma aiga. O le mea e tasi ou te fiafia e fai o le taalo pasiketipolo ma isi taaloga ma a’u uo. E manaia Niu Sila aua e tele matafaga mananaia ma faatoaga e i ai povi ma mamoe.
Ou te faaali atu ia Iesu ou te alofa ia te Ia pe a ou tatalo ma faitau i tusitusiga paia ma pe a ou faaaogaina tekinolosi e faia ai mea lelei e pei o le aoao atili e uiga ia te Ia. Pe a ou tatalo i le Tama Faalelagi, ou te iloa e faafofoga mai o Ia ia te a’u. Sa ou filifili e papatiso ina ia mafai ona ou latalata atili atu ia Iesu ma ina ia mafai ona ou maua le Agaga Paia e fesoasoani ia te a’u. Pe a ou faia ni filifiliga lelei, e mafai ona ou maua le Agaga Paia e faatasi ma a’u.
O le auauna atu ma le fesoasoani i lo’u aiga o se tasi lea o auala ou te mulimuli ai ia Keriso. O se tasi o auala ou te auauna atu ai i lo’u aiga o le saunia lea o le latou aiga o le taeao ma taaalo ma o’u uso. O au foi o se soo o Keriso pe a avea au ma se faataitaiga lelei i au uo e ala i le faaaogaina o upu lelei, agalelei ma fesoasoani ia i latou e faia filifiliga lelei. O taimi uma lava ou te maua ai le fiafia i le mulimuli i le Faaola.