Lesona Faatino o le Afiafi Faaleaiga

Taufaasese e Faigata ona Iloa

Saunia e David Dickson

Mekasini a le Ekalesia

O le faaaogaina o ni fuamoa, e mafai ona e aoao atu ai lou aiga ma uo e uiga i le upumoni.

Ata o le Alt Text

Sii mai le PDF

O le taeao nei, ua e filifili ai, o se taeao o le falai fuamoa. E te puna ese mai le moega ma tipi fualaau faisua. E te faavevela le falai. E te ta’e le fuamoa … ma ua ata leotele lou uso laitiiti.

“Ua e toe faia foi!” ua e tomumu ai. Ioe, sa ia faapupuna nisi o fuamoa i o latou atigi ona sasaa lea i totonu o fuamoa fou. O lana togafiti e sili ona fiafia i ai. Pe ana faapea e i ai se auala e iloa ai le eseesega i le va o fuamoa fou ma fuamoa vela. Aisea, e toetoe lava a aoga ai lena mea i le mafai ona iloatino o faamatalaga “moni” ma “pepelo”.

Taimi o le lesona faitino!

Sapalai

• Fuamoa fou, e le’i sakaina, o loo i ai pea i totonu o atigi

• Fuamoa e tasi pe sili atu ua vela, o loo i ai pea i totonu o atigi ma lei ta’e

• Tusitusiga Paia

O Mea e Fai

1. Faatulaga ni fuamoa, ma ia le itiiti ifo ma le tasi se fuamoa vela ma se fuamoa mata. Talanoa ma lou aiga i le faafitauli o faamatalaga sese uma i le lalolagi i aso nei, aemaise lava i luga o le initoneti.

2. Faamalamalama atu o lenei lesona, o fuamoa mata e faatusa i le upumoni ao fuamoa vela e faatusa i le taufaasese. Fesili atu pe mafai ona iloa e se tasi, tau lava o le vaai, po o fea fuamoa ua uma ona kuka. (Ailoga.)

Taofi ma Talanoa

Faitau faatasi ma lou aiga le mau lenei ma le upusii. Talanoa pe faapefea ona aloese mai le faaseseina.

Ma ona e lē i ai i tagata uma le faatuatua, ia outou saili ma le filiga ma aoao i le tasi upu o le poto; ioe, ia outou saili mai tusi sili ona lelei upu o le poto, ia saili aoaoga e ala lava i le suesue ma le faatuatua foi” (Mataupu Faavae ma Feagaiga 109:7).

“Afai o le tele o faamatalaga e te mauaina e sau mai faasalalauga faaleagafesootai po o isi ala faasalalau, o le a faaitiitia la lou tomai e lagona ai musumusuga a le Agaga. Afai e te lē o sailia foi le Alii e ala i tatalo i aso taitasi ma le suesueina o le talalelei, ua e tuua oe lava ia e lamatia i filosofia e ono faatosina ae e le moni.

Peresitene Russell M. Nelson, “Faaavanoa se Taimi mo le Alii,” konafesi aoao Oke. 2021 (Liahona, Nov. 2021, 121).

3. O le taimi e faaali atu ai le eseesega e mafai ona faia e sina malamalama faaopoopo. Taumafai e vili fuamoa taitasi i ou luma. Faataavili i latou i o latou pito e faatu i luga, e pei o se tumutumu. O fuamoa fou e toetoe lava a pa’uū i le taimi lava lena, ae o fuamoa vela e faaauau pea ona taavilivili! O le taimi lava e te iloa ai lenei upumoni faigofie, o le a le toe faaseseina lava oe.

4. Faamalamalama atu o tusitusiga paia, o perofeta, ma le Agaga Paia e mafai ona taialaina i tatou i isi upumoni ia e tutusa lava le aoga i le iloa o le taufaasese i vaega uma o o tatou olaga. A o e ola i poloaiga ma gauai atu i le Agaga, o le a mafai ona e iloa “mea e pei ona i ai moni lava” (Iakopo 4:13) ma iloa le upumoni mai le taufaasese. O lenei mea e mafai ai foi ona e suesue mai “tusi sili ona lelei” (ma ia maua ai foi uepisaite sili ona lelei, ma punaoa o talafou, ma isi ma isi) i lou olaga atoa.