“O se Tagavaai,” Mo Le Malosi o le Autalavou, Oke. 2022.
Lea Fuaitau i luga o Lea Fuaitau
O Se Tagatavaai
Sa aoao le perofeta o Esekielu e uiga i se tasi o matafaioi a se perofeta.
Ata na tusia e Alyssa Tallent
afioga a le Alii
E eseese auala e oo mai ai le afioga a le Alii i perofeta. O nisi taimi e fetalai sa’o mai ai le Alii ia i latou. O nisi taimi Na te auina mai ai agelu e tuuina mai Lana afioga. E masani ona Ia fetalai atu ia i latou e ala i le leo filemu ma le itiiti o le Agaga Paia.
tagatavaai
I aso anamua, sa tu ai se tagatavaai i luga o se puipui po o se olo ma tilotilo atu mo ni mea matautia e o mai mamao, e pei o fili i lo latou ala e osofaia se aai. Ona mafai lea e le tagatavaai ona lapataia tagata ina ia mafai ona latou saunia.
Na ta’u atu e le Alii ia Esekielu o se perofeta e pei o se tagatavaai o loo tu i luga o se olo. Talu ai ua i ai i perofeta se valaauga paia, ua vavaeeseina i latou mai le lalolagi ma vaai i mea mai se vaaiga maualuga atu, pe sili atu ona faalelagi. Latou te lapataia tagata e uiga i mea matautia faaleagaga.
aiga o Isaraelu
A talanoa perofeta i aso nei e uiga i le aiga o Isaraelu, o lona uiga o le nuu o le Alii, o e ua osifeagaiga ma Ia.
lapataiga
Ua lapataia i tatou e perofeta e uiga i tulaga matautia faaleagaga ina ia mafai ai ona tatou saunia mo i latou ma faamalosia i tatou lava e faasaga i ai. Ua talosagaina i tatou e perofeta e aua nei agasala ma lapataia i tatou i le mea o le a tupu pe afai tatou te faia. Latou te aoaoina i tatou i upumoni a le Atua ma Ana poloaiga. O nisi taimi latou te ono ta’u mai ai foi ia i tatou le mea o le a tupu i le lumanai ina ia mafai ai ona tatou iloa le mea o le a oo mai ma saunia ai. (Tagai Taiala i Tusitusiga Paia, “Perofeta,” ChurchofJesusChrist.org/scriptures/gs.)