“E le fiafia o’u matua i musika ou te faalogologo i ai. E mafai faapefea ona matou le misa ai?,” Mo le Malosi o le Autalavou, Oke. 2022.
Tuusao i le Mataupu
E le fiafia o’u matua i musika ou te faalogologo i ai. E mafai faapefea ona matou le misa ai?
Pe a outou le malilie ma ou matua e uiga i musika, e taua mo outou taitoatasi ona toafimalie, taumafai ia malamalama le tasi i le isi, ma aloese mai finauga. Faaalu sina taimi e mafaufau moni ai pe aisea e le fiafia ai ou matua i au musika. Toe iloilo mataupu faavae o i le tamaitusi Mo le Malosi o le Autalavou, ma fesili ifo ia te oe lava pe faapefea ona faatatau i au musika. Taumafai e faaali atu i ou matua o loo e faalogo moni ia i laua. Aua le finau e faasaga ia i laua i le taimi lava lena. Ona la naunau atili lea e faalogo atu ia te oe.
A o e talanoa ma ou matua e uiga i musika, e mafai ona e talanoa e uiga i lagona lelei e aumaia e musika ia te oe ma auala e fesoasoani ai ia te oe i tulaga eseese. E mafai ona e talanoaina auala e mafai ai e musika ona fesoasoani ia te oe e lagona le Agaga ma le auala e mafai ona e aloese ai mai musika e tuliesea ai le Agaga.
Ioe, i le faaiuga, e tatau ona e manatua o i laua o ou matua. Fai le mea sili e te mafaia e faamamalu ai i laua ma aloese ai mai finauga, e tusa lava pe e te lagona o lenei mea ua na o se mataupu o le fiafia faaletagata lava ia. A o e faia, o le a faamanuia oe e le Alii.