“Sei o Tatou Fiafia, E Tatau Ona Tatou Faia?,” Mo le Malosi o le Autalavou, Oke. 2022.
Sei o Tatou Fiafia, Tatau Ona Tatou Faia?
O le aga malie lelei e mafai ona fesoasoani ia te oe e sioa atu ai i le olaga i foliga ma faapea atu, “O le a e le tuuina au i lalo—ma le isi, o loo i ai ni meaai i ou nifo.”
E fiafia tagata e talie. Ma o se mea lelei lena, aua o le olaga e masani ona malie. O se faataitaiga se tasi lea.
O le Faasa’o Otometi o se vaega o polokalama faakomepiuta i gagana o faaleoga o mataitusi e iloaina upu e sese ona sipela ma suia ai i upu e sa’o le sipelaina a o e taina. E mafai ona aoga tele, ae ua tuuina mai ai foi le tele o mea malie.
Sa manao se tamaitai talavou e igoa ia Megan e auina atu se ata o lana taifau i se uo ma fai atu o loo fai mai lana taifau talofa. (E te iloa Megan—e aulelei o ia faapena.) Sa faasalavei mai le faasa’o otometi. O lea, nai lo le “Talofa,” na fai atu ai lana taifau, “Juice.” Atonu na mafaufau le uo a Megan pe aisea o le a fai mai faapea ai se taifau, o lea na auina atu ai e Megan ni ata o foliga ma faamatala atu le mea o loo tupu.
O se alii talavou e igoa ia Kyle sa i ai sana masini e olo le lima lea e suia i taimi uma le “[about] e uiga” i le “[shot] fana.” “E pei ona e mafaufauina, e ono maua ai le uunaiga sese,” o le tala lea a Kyle. “‘O le a sou manatu e uiga ia Joey?’ na faafuasei ona avea ma ‘O le a sou manatu i le fanaina o Joey?’” ‘A ‘e! Sa tatau ia Kyle ona faaeteete ina ia leai se tasi na “fanaina.” Ae sa ia vaaia le aga malie i ai.
O se isi alii talavou e igoa ia Peni sa tesi ma ana uo ma taumafai e tusi atu, “E le o a’u foi,” ae sa auina atu o se “O a’u o burger.” E Le Fetaui Ae sa latou faia le mea sili. “Sa matou auina atu uma lava ata o burger sisi,” o le tala lea a Peni.
Aisea e Malie Ai?
O le feagai ma le olaga ma aga malie lelei e mafai ona i ai ni aafiaga lelei. Mo se faataitaiga, o nei mea sese a le faasa’o otometi, e mafai ona fesoasoani i tagata ia atili lotomaualalo ai ma faamagalo atu ae le vave ona faamasino.
O le aga malie lelei e mafai ona avea ma togafitiga. E mafai ona faigofie ai ona onosaia le olaga. E pei ona fai mai se Aposetolo i se tasi taimi: “O le isi taimi e faaosoosoina ai oe e oi, e mafai ona e taumafai e ata. O le a faaumi ai lou ola ma avea ai olaga o i latou uma o siomiaina oe ia sili atu ona fiafia.”1
O Mea e Mafai ona Fai e Mea Malie Lelei
Fai mai tusitusiga paia “i mea uma e i ai se vaitau,” e aofia ai “se taimi e ataata ai” (Failauga 3:1, 4). E i ai taimi faapena, e i ai le tele o mea lelei e mafai ona faia e aga malie lelei e fesoasoani ai ia te oe. Ua na o le tolu nei.
-
Faaaluese le popole. Pe a atuatuvale pe popole tagata, e mafai ona pei se aga malie lelei e pei o se faasolototo e faaaluese ai popolega o le olaga. E le o se fofo-mo mea uma, ae o se auala lauiloa e fesoasoani ai i tagata e faatoafilemu o latou lagona.
-
Tuu atu se vaaiga e sili atu ona maloloina. O nisi taimi e manaomia ona tatou mulimuli i le fautuaga ia “fiafia.” Faatasi ai ma aga malie lelei, e mafai ona tatou manatua le mea e taua moni lava i le olaga. O nisi mea e le aoga le ita ai.
-
E fusia faatasi tagata. O le fefaasoaai o aga malie lelei e mautinoa lava o se aafiaga e fusia faatasi ai. E mafai ona faamalosia ai sootaga. E mafai ona fesoasoani i tagata ia lagona le taliaina.
Auala e Atiae ai Aga Malie Lelei
O le aga malie lelei e le na o le tau atu o tala malie. E faatatau i le faatagaina o oe lava ma isi ia lagonaina le toafimalie. O nisi nei o manatu mo le atiina ae o aga malie lelei (a o mulimuli i mataupu faavae o i le siata o i lalo).
-
Manatua se mea na e ata ai. Ona faamatala atu lea i se isi tagata e uiga i ai.
-
A lagona e se isi tagata le maasiasi, ta’u atu ia i latou e uiga i se taimi na e lagonaina ai faapena—ma pe na faapefea ona iu i le lelei. Afai e mafai ona e tau atu i se auala malie, ia fai o lea.
-
Matamata i pepe ma tamaiti, aemaise pe a latou talie. E moni lava. E ese lo latou malie. Taumafai ia maua lena lava olioli mama e tasi i le olaga.