Ta In Mool?
Bōk Jidikin
Jān kar kweilo̧k eo ad Eprōļ eo ļo̧k, jekar kam̧oole elōn̄ m̧akūtkūt ko, rooktak jān doon jān men ko rōkabūrom̧ōjm̧ōj n̄an ko rekam̧ōņōņō.
Jej lo̧udin̄din̄ kōn riboot eo kōn kweilo̧k ko reļļap an jodikdik ro kar kōm̧m̧an ilo aolepān laļ in. …
Jej lan̄lōn̄ bwe elōn̄ļo̧k tampeļ ko rej ekkaļ ilo aolepān laļ in. …
Kakkure (abuse) ej juon kōkaļļe in kareel eo an rikapo eo. Ej juon jerawiwi elukkuun nana. …
Rikapo eo ebar wōr an kōtōbalbal rekabūrom̧ōjm̧ōj. Ibwilijier rej kijejeto ko an n̄an katinaad ikōtaan ta in m̧ool im ta eo ejjab m̧ool. Kōn lōn̄ in meļeļe ko rej pojak n̄an ad būki, ekaitoktok limo, ekōm̧m̧an an ļapļo̧k an pen n̄an jeļā ta in m̧ool. …
… Jet rej kōņaan bwe jen tōmak bwe m̧ool eo ej pedped ioon armej eo—bwe kajjojo armej rej aikuj kāālet kōn e make ta in m̧ool. Kain tōmak rōt in ej atooneļo̧k n̄an ro me ebōd aer ļōmņak ilo aer likūt bwe eban wōr ruōer ippān Anij.
Ro jeiū im jatū jitōnbōro, Anij ej unjen aolep m̧ool otemjej. Kabun̄ eo an Jisōs Kraist im Armej ro Rekwojarjar ilo Raan Ko Āliktata rej kaorōk aolep m̧ool me Anij ej litok n̄an ajri ro Nejin, men̄e ekkatak ilo juon scientific laboratory ak kar būki kajju kōn revelesōn jān E.
Jān jikin kōnono in rainin im ilju kom̧ naaj wōnm̧aanļo̧k wōt n̄an ron̄jake m̧ool. Jouj im je kein kakeememej ko kōn ļōmņak ko me rōļujur eok im ko me rej itok n̄an ļōmņak eo am̧ im pād ilo būruōm̧. Jar im kajjitōk ippān Irooj n̄an kapene ta eo kwar ron̄ ej m̧ool.