“Kepaakļo̧k Rilo̧mo̧o̧r eo—Bōk Jidikin,” N̄an Kōkajoorļo̧k Jodikdik Ro, Nob. 2022.
Kepaakļo̧k Rilo̧mo̧o̧r eo
Bōk Jidikin
Jej kile bwe ilo an nana lapļo̧k ilo laļin, jetōb in mour, im jetob in mour eo an ro jej iakwe er, enaaj aikuj bwe en lapļo̧k ad kajiririki; kapen, im kōkajoor o̧kar in tōmak eo ad ilo Jisōs Kraist. …
Ilo ad aolep jeļā, tōmak ilo Jisōs Kraist im erom̧ rikaļoor em̧ool eļapļo̧k jān juon kālet eo jej kōm̧m̧ane juon kōttan—ej juon em̧akūtkūt eļapļo̧k jān juon kōttan. Ej juon jerbal ekwojarjar im ej wōnm̧aanļo̧k wōt eo me ej eddōk im ļapļo̧k ilo aolep iien mour ko ad, wōnm̧aanļo̧k m̧ae iien eo jenaaj bukwelōlō ilo Neen.
Kōn wit in me ej eddōkļo̧k ilubwiljin tāō ko ilo laļ in, ewi wāween ad kam̧wūlaļļo̧k im kōkajoorļo̧k ad wūjlepļo̧k n̄an Rilo̧mo̧o̧r ilo raan ko im̧aan?
Erkein rej jilu ļōmņak ko:
Kein kajuon, jemaron̄ bōk koņaad make eļapļo̧k n̄an mour eo an Jisōs, katakin ko An, uteij eo An, kajoor eo An, im en̄taan in pinmuur eo An. …
Kein karuo, ilo an em̧m̧anļo̧k ad jeļā im iakwe Rilo̧mo̧o̧r jej kōņaan eļapļo̧k n̄an kallim̧ur n̄an E ad m̧ool im lōke. Jej kōm̧m̧ani bujen ko Ippān. …
Kōm̧m̧ani im kōjparok bujen ko rej kōtļo̧k iakwe eo an Rilo̧mo̧o̧r n̄an m̧wilaļļo̧k ilo būruer. …
Āliktata, ļōmņak eo aō kein kajilu: ilo iien kappukot in ekwojarjar, jej kaorōk, kōjparok, jojomar, im onaake menin letok eo an Jetōb Kwojarjar. …
… Ilo am̧ kōtļo̧k bwe iakwe eo am̧ n̄an Rilo̧mo̧o̧r im iakwe eo An en m̧wilaļļo̧k ilo būruom̧, ij kallim̧ur eok kōn eļapļo̧k peran, im aenōm̧m̧an, im lan̄lōn̄ ilo iooni apan̄ ko an mour eo am̧.