“Jipan̄ Rijeram̧ōl im Rien̄taan—Bōk Jidikin,” N̄an Kōkajoorļo̧k Jodikdik Ro, Nob. 2022.
Jipan̄ Rijeram̧ōl im Rien̄taan
Bōk Jidikin
Eļap wōt jerbal in jipan̄ an welfare im humanitarian n̄an armej ro m̧ōttad kar katakin im kōjerbal jān Kabun̄ eo an Jisōs Kraist im Armej ro Rekwojarjar ilo Raan Ko Āliktata im jān kōj āinwōt membōr ro an. N̄an waanjon̄ak, jej jitlo̧k ilo jinoin kajjojo allōn̄ im jipan̄ leļo̧k jān jon̄an dettan m̧ōn̄ā ko jab kan̄i n̄an jipan̄ ro rej aikuj ilo jarlepju ko ad make. Kabun̄ in ej barāinwōt kōm̧m̧ani jerbal in leļo̧k jipan̄ ko reļļap an humanitarian im jerbal in jipan̄ ko jet ilo aolepān laļ in.
Kōjekdo̧o̧ņ aolep men ko me Kabun̄ in ad ej kajju kōm̧m̧ani, eiten aolep jerbal in jipan̄ an humanitarian n̄an ajri ro nejin Anij ilo aolepān laļ in ej kōm̧m̧an jān armej ro im doulul ko ejjeļo̧k aer me rejjab lukkuun ekkejel ippān Kabun̄ in. …
Kabun̄ eo an Jisōs Kraist ej wujlepļo̧k n̄an jerbal n̄an ro rej pād ilo aikuj, im ej barāinwōt wujlepļo̧k n̄an wōdde jeppel ippān ro jet ilo kijejeto in. …
Ilo revelesōn eo raan kein ej katakin bwe ad Rilo̧mo̧o̧r, Jisōs Kraist, ej “meram eo em̧ool eo ej kōmeram aolep armej ro rej itok n̄an laļ in” [Katak im Bujen Ko 93:2]. Kōn menin, aolep ajri ro nejin Anij rej ellowetak n̄an jerbal n̄an E im n̄an doon n̄an jon̄an jeļā im maron̄ eo aer em̧m̧antata. …
… Elōn̄ļo̧k kōj jej aikuj kile em̧m̧an eo kōm̧m̧ane jān ro jet im rejtake ilo an wōr ad iien im jipan̄ ko n̄an kōm̧m̧ane. …
Ij kam̧ool kōn Jisōs Kraist, eo meram im Jetōb eo an ej tōl aolep ajri ro nejin Anij ilo jipan̄ rijeram̧ōl im rien̄taan ipelaakin laļin.