“Ļapļo̧k Ad Loe Jisōs Kraist ilo Mour ko Ad—Bōk Jidikin,” N̄an Kōkajoorļo̧k Jodikdik Ro, Nob. 2022.
Ļapļo̧k Ad Loe Jisōs Kraist ilo Mour ko Ad
Bōk Jidikin
N̄an jipan̄ kōj pād wōt ilo jim̧we im etal ilo iaļ eo ejim̧we, Rilo̧mo̧o̧r ej kūr kōj aolep n̄an lo mour ko ad ilo E bwe en ļapļo̧k ad loe E ilo mour ko ad.
Āinwōt juon riļoor gospel eo, ikar jelm̧ae elōn̄ ro me rekar etale im meļeļe kōn oktak ko ilo m̧wilū, imminene, im jokāālet ālkin aō kar kobatok ilo Kabun̄ in. …
…Kōn kijejeto ko reļļap n̄an kappukot n̄an im kōn Jisōs Kraist pād ilo aolep aō ļōmņak im kōm̧m̧an, mej ko meja rekar peļļo̧k im jeļā eo aō ekar m̧ōkaj n̄an kile bwe Jisōs Kraist ekar kūr eō n̄an “itok n̄an” E. …
Jān iien eo ikar ekkatak, ilo aō jeļā kiiō, bwe ad Rilo̧mo̧o̧r, Jisōs Kraist, ej im̧we kōj n̄an kabun̄ jar ilo im̧ōn jar ko kajjojo wiik n̄an bōk m̧ōttan kwojkwoj eo An, ej im̧we kōj n̄an m̧weo im̧ōn Irooj n̄an kōm̧m̧an bujen Ippān, n̄an jeje ko rekwojarjar im katak ko an rikanaan ro n̄an ekkatak kōn naan ko An. E ej tōl naan ko jān lo̧n̄iid n̄an kam̧ool kōn E, pā ko peid n̄an lōn̄aj im jipan̄ āinwōt An naaj kar lōn̄aj im jipan̄, mej ko mejād n̄an kalimjōk laļ in im kalimjōk ro jet āinwōt an kalimjōk er—“āinwōt aer lukkuun waļo̧ke, im … āinwōt aer naaj waļo̧k” [Jekba 4:13]. Im ilo ad kōtļo̧k bwe E en tōl kōj ilo aolep men, jej bōk naan in kam̧ool bwe “men otemjeļo̧k rej kam̧ool ewōr juon Anij,” [Alma 30:44], kōnke ijo jej kappukot E ie jenaaj lo E.