Anjo̧ Ioon laļ n̄an Lo Ami Kakkije
Bōk Jidikin
E Ej Tōl Eō, jān Yongsung Kim
Ta meļeļein anjo̧ ioon laļ? Ej meļeļe in anjo̧ ioon kapo eo me ej kwaļo̧k ke eļapļo̧k ad kea kōn men ko an laļ jān men ko an Anij. Ej meļeļe in lōke katak eo an Kraist eļapļo̧k jān katak ko an armej. … Ej meļeļe in kāālet n̄an dim wōt jān jabdewōt men eo ej kadiwōjļo̧k Jetōb. …
Innām, ekōjkan, ad anjo̧ ioon laļ in? … Kajjojo iien kwoj kappukote im ļoor im̧we ko an Jetōb, kajjojo iien kwoj kōm̧m̧an jabdewōt men rem̧m̧an—men ko me “armej ilo lukkuun biktokin” reban kōm̧m̧ane—kwoj anjo̧ ioon laļ in. …
Kiiō, elmen an anjo̧ ioon laļ kōjeraam̧m̧an mour ko ad? Uwaak in ealikkar: Deļo̧n̄e juon bujen ippān Anij ej lukwōj kōj n̄an E ilo juon wāween ekōm̧m̧an bwe aolep men kōn mour en pidodoļo̧k. Jouj im jab kabōd eō: Ijjab ba kōm̧m̧ani bujen ko enaaj kōm̧m̧an bwe mour en pidodo. Ilo m̧ool, emaron̄ wōr jum̧ae, kōnke rikapo eo ejjab kōņaan bwe kwon lo kajoor eo an Jisōs Kraist. Bōtaab juon wōt ippān Rilo̧mo̧o̧r eo ej meļeļe bōk An kajoor im kajoor in pinmuur eo. …
… Ij akweļap ippāmi kiiō—n̄an bōk eddo in naan in kam̧ool eo am̧ make kōn Jisōs Kraist im gospel in An. Jerbale. Kajiririki bwe en eddōkļo̧k. Naajdiki kōn m̧ool eo. …
… Ilo am̧ kōtļo̧k bwe Anij en anjo̧ ilo mour eo am̧, ij kallim̧uri eok kōn eļap aenōm̧m̧an, lōke, m̧ōņōņō, im aaet, kakkije.