“Bwidej in Upaaj: Iaļ in Kōmour an Jeorļo̧k Bōd—Bōk Jidikin,” N̄an Kōkajoorļo̧k Jodikdik Ro, Nob. 2022.
Bwidej in Upaaj: Iaļ in Kōmour an Jeorļo̧k Bōd
Bōk Jidikin
Im Ikar Bōk M̧ōttan, jān Kristin Yee
Kar jab kōmakeļo̧k kōj n̄an jerbale kaje ko an jerbal ko an ro jet kōn kōj make; kōj barāinwōt maron̄ mour im leļok iien an lo̧mo̧o̧ren jān eddo eo an bōro in illu im jabdewōt jerbal ko an me remaron̄ itok.
… Irooj ej aikuji ad jeorļo̧k bōd n̄an em̧man eo ad make. Bōtaab Ejjab kajjitōk ippād n̄an kōm̧m̧an ilo An jab jipan̄, An iakwe, An meļeļe. Kōn bujen ko ad ippān Irooj, kōj kajjojo jemaron̄ bōk kajoor in kōkajoorļo̧k eo, tōl, im jipan̄ eo jej aikuji n̄an jim̧or jeorļo̧k bōd im n̄an joļo̧k bōd. …
… Ekar ba, “Jetōb eo an Irooj ej pād ippa, kōnke em̧ōj an kapiti eō n̄an kwaļo̧k gospel eo an n̄an ro ri jeramōl; ar jilkinļo̧k n̄a bwe in ten kōm̧our ro erub būruweer, kanekwoj ro rikamakoko, im kōm̧our mejen ro re bilo, im kanemkwoj ro rej kakkure” [Luk 4:18; kōmejaja kar kobaiktok].
N̄an aolep ro erūb būruweer, pād ilo kōm̧akoko, kinejnej, im bōlen pilo jān metak ak jerawiwi, E ej letok kōmour, iien kōmour, im anjo̧. Ij kam̧ool bwe kōmour im iien kōmour eo E ej letok em̧ool. …
Jisōs Kraist ej am̧ make Messaia, am̧ Ripinmuur im Rilo̧mo̧o̧r ej iakwe, eo ejeļā akweļap ko an būruom̧. Ej kōņaan kōmour im m̧ōņōņō n̄an eok. Ej iakwe eok. Ej jan̄ ippam̧ ilo būrom̧ōj ko am̧ im mōņōņō n̄an kōmour eok. Jen bōk ilo m̧ōņōņō im bōk pein iakwe eo An me ej eļļo̧k ilo ad etetal ilo iaļ in kōmour in jeorļo̧k bōd eo.