“Bōro Em̧ool—Bōk Jidikin,” N̄an Kōkajoorļo̧k Jodikdik Ro, Nob. 2022.
Bōro Em̧ool
Bōk Jidikin
Āinwōt rikaļooran Jisōs Kraist, jej tōmak im jemaron̄ eddōļo̧k ilo jilu m̧ool ko raorōk.
Juon, Jemaron̄ Kōjparok Bujen ko Ad, Jekdo̧o̧n N̄e Ejjab Pidodo
N̄e tōmak eo ami, an baam̧le eo ami, ak jekļaj eo ami rej idajon̄jon̄—n̄e kom̧ij ļōmņak etke mour in ekanooj pen n̄e kom̧ij kōm̧m̧an em̧m̧an tata n̄an mour kōn gosepl eo—keememej bwe Irooj ekar jiron̄ kōj n̄an kōtmene jorrāān ko. Jorrāān ko rej m̧ōttan karōk eo im ejjab meļeļe in em̧ōj kōjojoļāār kom̧; rej m̧ōttan ta meļeļe in n̄an erom̧ An. …
Mour ilo meoeo ejjab bōktok kajoor. Kajoor eo jej aikuji n̄an jutak pen ņae apan̄ ko jej jelm̧ai kiiō kajoor an Irooj, im An kajoor ej itok kōn bujen ko ad Ippān. …
Ruo, Jemaron̄ Jerbal kōn Tōmak
Āinwōt rikaļooran Jisōs Kraist, jemeļeļe bwe tōmak ilo E ej aikuj jerbal—eļap tata ilo iien ko reppen. …
Jilu, Jemaron̄ Erom̧ Bōro Em̧ool im Lan̄lōn̄ ilo Wūjlepļo̧k eo Ad
Im ilo m̧ool ijjab aikuj ļōmņak bwe mālijjon̄ ko an rainin ren ejaak pere kōn iakwe an Anij n̄an n̄a ak en ukōt tōmak eo aō ilo E n̄an pere. …
Im m̧ae raan eo me aolep kinej ko an mour wabanban in rej mo, inaaj kattar Irooj im lōke E—iien eo An, An mālōtlōt, An karōk.
Jibwe pein doon ippam̧i, ikōņaan jutak Ippān n̄an indeeo. Bōro Em̧ool. Jeļā bwe n̄e jej iakwe Jisōs Kraist kōn aolepān būruōd, E ej letok n̄an kōj aolep men.