“Kar Kotake Ioon Debwāāl—Kōkadudu ko,” N̄an Kōkajoorļo̧k Jodikdik Ro, Nob. 2022.
Kar Kotake Ioon Debwāāl
Kōkadudu ko
Juon un jejjab kōjemajaik debwāāl eo āinwōt juon kakkōļļe ej jerbal jān katak ko ad jinoin ilo baibōļ. Kōnke debwāāl eo ekar juon iaan jekjek ko rekōmetak tata an Roman Empire kōn m̧anm̧an, elōn̄ rikaļoor ro jinonin an Jisōs rekar jab kōmejajaik kein m̧anm̧an in enana tata im ekaen̄tanaan. Meļeļe in mej eo an Kraist ilo m̧ool ekar dilepān tōmak ao aer, bōtaab ium̧win 300 iiō ko ekar ekkā aer pukōt n̄an kwaļo̧k piktok in gospel eo aer ilo bar juon jekjek. …
Bar juon un n̄an jab kōjerbale kakōļļe in debwaāl ko ej kōmejaja eo ad kōn kabwilōn̄lōn̄ eo edipio an mijen eo an Kraist—Jerkakpeje eo An aiboojoj barāinwōt en̄taan in pinmuur eo im mej eo An. …
Ilo aolep āne im tōre, E kar ba n̄an kōj aolep, “Eļan̄n̄e jabdewōt em̧m̧aan [ak kōrā] e kōņaan lo̧o̧r Eō, en make kaarmejjete, im bōk debwāāl eo an, im ļoor eō” [Matu 16:24].
Menin ej kōnono kōn debwāāl ko jej ineeki ijello̧kin ko jej kōņaki. N̄an erom̧ juon rikaļoor an Jisōs Kraist juon ej aikuj jet iien ineek juon eddo—eo am̧ make ak an bar juon—im ilo̧k n̄an ijo emenin aikuj kaarmejete im en̄taan ko jejjab maron̄ kōjekdo̧o̧n. Juon Rikūrjtin em̧ool ejjab maron̄ ļoor M̧aajta ilo jerbal ko wōt me ej errā kaki. Jaab. Jej ļoor E aolep jikin, ekoba, eļan̄n̄e emenin aikuj, jet iien men ko renaaj waļo̧k ilo ad ļoor E rekōm̧m̧an ad jan̄ im jorrāān, im jet iien jemaron̄ en̄jake ke jemake iaad.
…N̄an bōk kōjeraam̧m̧an kein, jen ļoor E—ilo ad jab likjab, jamin iteweļo̧k, ak ko, jamin ebbwer n̄an kōm̧m̧an ta eo jej aikuj kōm̧m̧ane, ejjab n̄e debwāāl ko ad remaron̄ in eddo im ejjab n̄aat, ilo juon iien, iaļ eo emaron̄ eddōkļo̧k ilo an marok.