“Jolet in Naan in Rōjan̄—Bōk Jidikin,” N̄an Kōkajoorļo̧k Jodikdik Ro, Nob. 2022.
Jolet in Naan in Rōjan̄
Bōk Jidikin
Jinō ekar ba n̄an n̄a ke iaar ellotaani men ko reppen, “O, ale, ebaj pen wōt. Ej aikuj bwe en kar pen. Mour in ej juon teej.”
Ej kijon̄ ba, kōn ettōn̄ dikdik, kōnke ejeļā ruo men ko. Jekdoon apan̄ rot, men eo eaorōk ej jepļaak im mour ippān Jemedwōj Ilan̄. Im ekar jeļā bwe emaron̄ kōm̧m̧ane kōn tōmak ilo an Rilo̧mo̧o̧r. …
Naan in rōjan̄ in ekar likūti ippām im em̧m̧an tata an kōmeļeļeik ilo Moronai 7, ijo Mormon ej kapilōk ļeo nejin Moronai im armej ro an.
Eaar likūt Jisōs Kraist m̧oktata, kōm̧m̧ani aolep men ko kar tōpari n̄an letok naan in rōjan̄ n̄an ro rej ioon apan̄ ilo iaļ eo ļo̧k n̄an kapijuknen eo aer ilan̄. …
Mormon ekar lo ettā āinwōt menin kam̧ool kōn peran kōn aer tōmak. …
Innām Mormon ekar rōjan̄ er kōn kam̧ool bwe rej pojak in bōk menin letok enaaj kobrak būruweer kōn iakwe eo erreo an Kraist. …
N̄an reilikļo̧k, ij kiiō lo oktakin bwe menin letok eo an iakwe—iakwe eo erreo an Kraist—eaar kōkajoor, eaar tōl, eaar jipan̄, im eaar ukōt jinō ilo apan̄ ko an ilo mour in. …
… Rilo̧mo̧or eo elukkuun jeļā kōn apan̄ ko am̧. E ejeļā aorōk eo am̧ eļap n̄an kajoorļo̧k ilo tōmak, kōjatdikdik, im iakwe em̧ool.
Kien ko im bujen ko Ej liwaj n̄an eok rejjab mālijjon̄ ko n̄an peek eok. Rej menin letok ko n̄an kotak eok m̧aanļo̧k n̄an bōk aolep menin letok ko an Anij im jepļaakļo̧k n̄an jikūmi ippān Jemedwōj Ilan̄ im Irooj, ro rej iakwe kom̧.