“Rainin—Bōk Jidikin,” N̄an Kōkajoorļo̧k Jodikdik Ro, Nob. 2022.
Rainin
Bōk Jidikin
Ij jibwe ilo peiū juon kape in Bok in Mormon. En̄in ej bok eo aō jān 1970 eo, im elukkuun aorōk ippa. Jān kilin elukkuun mōr kōn ekutkut in kōjerbale, ak ejjeļo̧k bar bok aorōk in wōt n̄an mour eo aō im naan in kam̧ool eo aō āinwōt in. Ke ikar riiti, ikar bōk juon kam̧ool jān Jetōb bwe Jisōs Kraist ej Nejin Anij, bwe E ej aō Rilo̧mo̧o̧r, bwe jeje kein rekwojarjar rej naan an Anij, im bwe gospel eo em̧ōj an bar jeplaaktok. …
“Rainin,” juon iaan mijenede ro rem̧m̧an tata an Bok in Mormon ej Būreejtōn Russell M. Nelson. …
Ekar liļo̧k kape ko an Bok in Mormon n̄an bukwi armej, iien otemjej ej kwaļo̧k kam̧ool eo an kōn Jisōs Kraist. …
Rikanaan eo ad emour ej kōm̧m̧ane ijo koņaan n̄an kobrak laļ in kōn kape in Bok in Mormon. Bōtaab ejjab maron̄ kōm̧m̧ane menin make iaan. Jej aikuj ļoor tōl eo an. …
…Ij karuwainene kom̧, rainin, n̄an lelo̧k juon Bok in Mormon n̄an ro m̧ōttam̧ im baamle, ro m̧ōttam ilo jikin jerbal, kouj in jekad eo am̧, ak ruwia kake leen wōjke ilo jikin wia. Rej aikuji naan ko an Irooj loe ilo bok in. …
Ij kam̧ool bwe kōn karōk ekwojarjar Bok in Mormon eo kar kōpooje ilo Amedka etto n̄an bōk m̧aantak n̄an kean̄ kōn naan an Anij, n̄an bōktok jetōb ko n̄an Irooj Jisōs Kraist im gospel eo An me em̧ōj an jepļaaktok “rainin.”