“Kwōn Kōņak Am̧ Kajoor, O Zaion—Kōkadudu Ko,” N̄an Kōkajoorļo̧k Jodikdik ro, Nob. 2022.
Kaņōk Kajoor Eo Am̧, O Zaion
Kōkadudu ko
Ij lukkuun jar bwe Jetōb Kwojarjar enaaj katakin kōj kajjojo ilo ad jimor kejōklokjeņ kōn m̧ool kein raorōk. …
Im ke kiin̄ eo ej deļo̧n̄tok n̄an jikin m̧are eo, ej etale aolep armej ro im kajju loe ke ewōr juon an rilotok ejjab ekōņak kope in m̧are. Raar bōk m̧aantak em̧m̧aan eo, im kiin̄ eo eaar kajjitōk, “Jera, ekōjkan aṃ itok ijin, im jab kōṇak kopā in pālele? Im eaar jaje en ba ta” [Matu 22:12]. …
… em̧m̧aan in jab kōņaan kōnak nuknuk in kamare eo ej lukkuun waļo̧k an jab kautiej jimoor kiin̄ eo im laddik eo nejin. Ekar jab ejjeļo̧k juon an kopa in kōm̧are; ijello̧kin, ekar kāālet n̄an jab kōņak juon. … Kiin̄ eo eaar m̧ōkaj in jeļā ļōmņak eo an: “Liāpe pein im neen, im bōkļo̧k e im joļo̧k e ilo kapin marok, ijo renaaj jan̄ im n̄i ļaļļaļ” [Matu 22:13].
… Ilo an jab jim̧we an nuknuk ekwalok lukkuun ta ilo buruōn ilo an jum̧ae kiin̄ eo im ta ar ba.
Im būrabōļ eo ar kejemlok kōn naan kein ilo jeje ko rekwojarjar: “Bwe kūr elōn̄, e iiet ro kāālōt er” [Matu 22:14].
… Ejjeļo̧k an Anij kalijōkļo̧k ilo juon laajrak eo jej kōtmene ke etad enaaj likūti. E ejjab kōm̧m̧an jon̄an “kāālet” bwe en pen n̄an jet. Ijelo̧kin, bōro ko ad, ikdeelel ko ad, ad kautiej bujen ko an gospel eo im kain̄i ko rekwojarjar, ad pokake kien ko, im, men eo aorōktata, jouj im tūriam̧o in pinmuur eo an Rilo̧mo̧o̧r kalikkar elaññe jej juōn iaan ro kālet in Anij. …
Ilo an jejjet ad pukōt menin letok eo an jetōb n̄an an mejed loe im lejiln̄ur ron̄, ij kallim̧ur bwe jenaaj jeraam̧m̧an kōn jon̄an eo elaptata im ekajet n̄an kōkajoor bujen ko ad ippān Irooj eo ej mour. Jenaj barāinwōt bōk kajoor in mour in kwojarjar ilo mour ko ad—im āliktata naaj jim̧or kūr n̄an im kāālet n̄an kōjota eo an Irooj.