“M̧ool n̄an Anij im Jerbal eo An—Bōk Jidikin,” N̄an Kōkajoorļo̧k Jodikdik ro, Nob. 2022.
M̧ool n̄an Anij im Jerbal eo An
Uruguay
Juon iaan waanjon̄ak ko ekaitoktok limo ilo jeje ko rekwojarjar kōn … inepata ko an Heber Kimball kōn pukōt juon naan in kam̧ool kōn jerbal eo an Anij im Jisōs Kraist ej kwaļo̧k ilo kapilōk eo an Alma n̄an ļōm̧aro jilu nejin—Hilamōn, Siblon, im Koriantōn. …
N̄ūrbōktak eo an Alma m̧oktata … ekar bwe kajjojo en wōr aer juon naan in kam̧ool kōn Jisōs Kraist im m̧ool n̄an Anij im Jerbal eo An.
… Siblon ekar weppān, āinwōt leo jein Hilamōn. Ko̧o̧njel eo ikōnaan kwaļo̧k ej Alma 38:12, eo ej kōnono jidik in, “Lale bwe kwōn kajeikiki aolep ikdeelel ko am̧, bwe kwōn maron̄ obrak kōn iakwe.”
Anbwin eo ejjab nana—ej aiboojoj im aorōk—bōtaab jet ikdeelel ko, eļan̄n̄e jab jetjet kōjerbale im ilo jim̧we kōjeikik, maron̄ kōjepeļļo̧k kōj jān Anij im jerbal eo An im kabōjrak jelet an naan in kam̧ool eo ad. …
Ilo kakobaba n̄an kōjbwebweik illu im kōjeikik ikdeelel ko jet, jej aikuj in tōl mour ko rerreo kōn kōjbwebweik ļōmņak ko ad, kajin, im m̧akūtkūt ko. …
Kōnke Koriantōn ekar bōk kwonaan ilo jab mour jim̧we, ekar menin aikuj n̄an Alma n̄an katakin kōn ukweļo̧k. …
Kōn menin kapilōk in bōbrae eo an Alma ekar n̄an kōjeikik ikdeelel ko, bōtaab n̄an ro me raar jerawiwi ej n̄an ukweļo̧k. ….
Ejjeļo̧k juon emaron̄ bar ro̧o̧l n̄an Anij kōn jerbal ko an make; jej aolep aikuji jeraam̧man eo an en̄taan eo an Rilo̧mo̧o̧r. Aolep raar jerawiwi, im ej wōt kōn Pinmuur eo an Jisōs Kraist me jemaron̄ bōk tūriam̧o kake im mour ippān Anij.