“Ļoor Jisōs Kraist kōn Bun̄tōn Ne ko an Tōmak—Bōk Jidikin,” N̄an Kōkajoorļo̧k Jodikdik Ro, Nob. 2022.
Ļoor Jisōs Kraist kōn Bun̄tōn Ne ko an Tōmak
Bōk Jidikin
Ro jeiū im jatū, ij kam̧ool bwe ilo ad ļoor Jisōs Kraist kōn bun̄tōn ne ko an tōmak, ewōr kōjatdikdik. Ewōr kōjatdikdik ilo Irooj Jisōs Kraist. Ewōr kōjatdikdik n̄an aolep ilo mour in. Ewōr kōjatdikdik n̄an anjo̧ jān bōd ko ad, būrom̧ōj ko ad im apan̄ ko, im mālijjon̄ ko im jorrāān ko ad. Ewōr kōjatdikdik ilo ukweļo̧k im jeorļo̧k bōd im ilo jeorļo̧k an ro jet bōd. Ij kam̧ool bwe ewōr kōjatdikdik im aenōm̧m̧an ilo Kraist. E emaron̄ rejtake kōj rainin ilo iien ko reppen. E ekar kōm̧m̧ane n̄an bainiier ro jinoin, im E enaaj kōm̧m̧ane kiiō n̄an kajjojo iaad. …
N̄e ij ļōmņak kōn bainiier ro raar kōpooj iaļ eo n̄an ro jet, ij m̧oktata ļōmņak kōn Rikanaan Josep Smith. …
Mijenede ro ad rainin rej bainiier ro raan kein kōnke rej kwaļo̧k ennaan aiboojoj in ippān armej ro ipeļaakin laļ in, kōn menin ekōpeļļo̧k iaļ eo n̄an ajri ro nejin Jemedwōj Ilan̄ n̄an jeļā E im Nejin, Jisōs Kraist. …
Būreejtōn Nelson ekar juon bainiier ilo Kabun̄ in. …
Ej katakin kōj kōn ekōjkan an ļapļo̧k ad ūn̄n̄are kōj make ilo jetōb. …
Ad Rilo̧mo̧o̧r, Jisōs Kraist, ej bainiier eo āliktata ilo kōpooj iaļ eo. Ilo m̧ool, E ej “iaļ eo” [Jon 14:6] n̄an karōk in lo̧mo̧o̧r eo n̄an kadedeļo̧k bwe jen maron̄ ukweļo̧k im, kōn tōmak ilo E, bar ro̧o̧l n̄an ippān Jemedwōj Ilan̄. …
Jen indeeo ļoor ilo bun̄tōn ne ko an Jisōs Kraist im, kōn tōmak ilo aolep bun̄tōn ne ko ad, kalimjōk E, jab ne teļeļe ilo dim ioon iaļan bujen eo ad.