“Fesoasoani i e Matitiva ma Mafatia—O Nai Vaega,” Mo le Malosi o le Autalavou, Nov. 2022.
Fesoasoani i e Matitiva ma Mafatia
O Nai Vaega
O le tele o le uelefea ma auaunaga alofa i o tatou uso a tagata o loo aoaoina ma faatinoina e Le Ekalesia a Iesu Keriso o le Au Paia o Aso e Gata Ai ma i tatou o ona tagata. Mo se faataitaiga, tatou te anapopogi i le [Aso Sa] muamua o masina taitasi ma foai atu e lē itiiti ifo ma le tau tutusa o meaai e le o taumafaina e fesoasoani ai ia i latou o ē lē tagolima i totonu o o tatou lava aulotu. E fai foi e le Ekalesia ni foai tetele mo galuega alofa ma isi auaunaga i le lalolagi atoa.
E ui i mea uma e fitoitonu ona faia e le Ekalesia, o le tele o auaunaga alofa i fanau a le Atua i le lalolagi atoa e faatinoina e tagata ma faalapotopotoga e leai se fesootaiga aloa’ia ma le tatou Ekalesia. …
Ua tuuto atu le Ekalesia a Iesu Keriso e auauna atu ia i latou e lē tagolima, ma ua tuuto atu foi e felagolagoma’i faatasi ma isi i lena taumafaiga. …
Ua aoao mai e faaaliga o onapo nei e faapea, o lo tatou Faaola, o Iesu Keriso, o le “malamalama moni ua faamalamalama ai tagata uma e o mai i le lalolagi” [Mataupu Faavae ma Feagaiga 93:2]. O lenei mea, ua faamalamalamaina ai fanau uma a le Atua e auauna atu ia te Ia ma i le tasi ma le isi i le mea sili latou te iloa ma gafatia. …
… E tatau i le toatele o i tatou ona amanaia mea lelei ua faia e isi ma lagolagoina ona o loo i ai lo tatou taimi ma punaoa e faia ai. …
Ou te molimau atu ia Iesu Keriso, o lē ana le malamalama ma le Agaga o loo taiala ai fanau uma a le Atua i le fesoasoani atu i ē matitiva ma mafatia i le lalolagi atoa.