“O Le Aoaoga Faavae o le Avea Ai ma Ni Ō—O Nai Vaega,” Mo le Malosi o le Autalavou, Nov. 2022.
O Le Aoaoga Faavae o le Avea Ai ma Ni Ō
O Nai Vaega
Ou te fia tautala e uiga i le mea ua ou faaigoaina o le aoaoga faavae autu o le avea ma ni ō i Le Ekalesia a Iesu Keriso o le Au Paia o Aso e Gata Ai. …
… E le mafai ona tatou faatagaina ai se faailogalanu, faailogatagata faivaega, po o isi faiga faaitu’au e i ai i totonu o le Ekalesia o aso e gata ai a Keriso. …
O se faalogona o le avea ai ma ni ō e taua i lo tatou soifua manuia faaletino, faalemafaufau, ma le faaleagaga. Peitai, e mafai lava i nisi taimi e ono lagona ai e i tatou taitoatasi le le taliaina o i tatou. …
Tatou tuu i le Alii ma i latou ua Ia poloaiina e faia le faamasinoga, ae ia fiafia e alolofa ma taulima e le tasi le isi i le mea sili tatou te mafaia. …
O se vaega e lua o le aoaoga faavae autu o le avea ai ma ni ō, o a tatou lava saofaga. E ui ina seāseā tatou mafaufau i ai, ae o le tele o le avea ai o i tatou ma ni ō e sau mai a tatou auaunaga ma osigataulaga tatou te faia mo isi ma mo le Alii. …
O le elemene mulimuli ma sili ona taua o le aoaoga faavae autu o le avea ai ma ni ō, o le matafaioi totonugalemu lea a Iesu Keriso. Tatou te le auai i le Ekalesia ona na o le faaaumea, po o le a lava lona taua. Tatou te auai mo le togiolaina e ala i le alofa ma le alofa tunoa o Iesu Keriso e oo mai ai. Tatou te auai e faamautu ia sauniga o le faaolataga ma le faaeaga mo i tatou lava ma i latou tatou te alolofa i ai i itu uma o le veli. Tatou te faatasi ai e auai i se galuega faatino tele e faatuina ai Siona e sauniuni ai mo le toe afio mai o le Alii.