“[Avea ma] Soo Tumau—O Nai Vaega,” Mo Le Malosi o le Autalavou, Nov. 2022.
[Avea ma] Soo Tumau
O Nai Vaega
O aafiaga e pei o konafesi a le MMA, tolauapiga, sauniga faamanatuga, ma misiona e mafai ona fesoasoani e faamalosia a tatou molimau, ave atu i tatou i faaofuofu o le tuputupu a’e ma le iloa faaleaaga o nofoaga o le filemu. Ae o a mea e ao ona tatou faia e tumau ai iina ma faaauau ai ona “fetaomi atu i luma ma le tumau ia Keriso” (2 Nifae 31:20) nai lo le see i tua? E ao ona faaauau ona tatou faia o na mea na aumaia iina i le taimi muamua, e pei o le tatalo e le aunoa, faatofu i tatou lava i tusitusiga paia, ma auauna atu ma le faamaoni. …
I le MMA, e lua selau afe ma le sili atu a tatou talavou na iu ina iloa lelei le Faaola e ala i le faaaogaaga o se fua faigofie o le o mai faatasi lea na faapotopoto ai le toalua pe sili atu o i latou i Lona suafa (tagai i le Mataio 18:20), e aafia i le talalelei ma tusitusiga paia, pepese faatasi, tatalo faatasi, ma le mauaina o le filemu ia Keriso. O se faamatalaga mamana lenei mo le fagua faaleagaga. …
O loo malaga le autalavou totoa o Siona i taimi mataina. O le mauaina o le olioli i lenei lalolagi ma mea faasalavei na valoiaina e aunoa ma le avea o se vaega o lena lalolagi, ma lona vaega faapogisaina agai i le paia, o le latou tiutetauave fitoitonu lena. …
Ua ou iloa e ala i le faatuatua i le Alii o Iesu Keriso ma Lana ala o le feagaiga, e mafai ai ona tatou maua le lototele faaleagaga ma le filemu ao tatou faafaileleina ni mausa paia ma amioga amiotonu e mafai ona lagolago ma tutu ai afi o o tatou faatuatua. Talosia ia taitoatasi i tatou ma faalatalata atili atu i na afi mafanafana ma, po o a lava mea e tutupu, ia tumau.