“Vaaia Atili o Iesu Keriso i o Tatou Olaga—O Nai Vaega,” Mo le Malosi o le Autalavou, Nov. 2022.
Vaaia Atili o Iesu Keriso i o Tatou Olaga
O Ni Nai Vaega
Ina ia fesoasoani tatou te tumau pea ma agai atu i le itu sa’o, ua valaaulia i tatou e le Faaola e vaai i o tatou olaga e ala atu ia te Ia ina ia mafai ai ona vaaia atili o Ia i o tatou olaga. …
I le avea ai o se soo fou o le talalelei, sa ma fetaia’i ma le toatele o e sa matauina ma vaaia suiga i a’u amioga, faiga, ma filifiliga ina ua ou auai i le Ekalesia. …
… E ala i taumafaiga faaeteete e vaai atu iā ma mo Iesu Keriso i o’u mafaufauga ma galuega uma, sa faamalamalamaina o’u mata, ma sa faapupulaina lo’u malamalama ia iloa ai o Iesu Keriso sa valaau mai mo a’u e “sau ia te Ia.” …
Sa ou aoao ai i lena taimi, e pei ona ou iloa i le taimi nei, o lo tatou Faaola o Iesu Keriso, e ta’ita’ia o tatou vae i falelotu i vaiaso taitasi e aai ma feinu i Lana faamanatuga, i le maota o le Alii e osifeagaiga ai ma Ia, i tusitusiga paia ma aoaoga a perofeta e aoao ai i Ana afioga. Na te faatonutonuina o tatou gutu e molimau atu ia te Ia, o o tatou lima e si’i a’e ma auauna atu e faapei ona Ia si’i a’e ma auauna mai, o o tatou mata ia vaai i le lalolagi ma le tasi ma le isi e pei ona Ia faia—“e pei ona i ai moni, ma … e pei ona o le a i ai moni” [Iakopo 4:13]. Ma a o tatou faatagaina o Ia e faatonufolau i tatou i mea uma, tatou te maua se molimau faapea “ua faailoa mai i mea uma o loo i ai se Atua” [Alema 30:44], aua o le mea tatou te sailia ai o Ia, o le a tatou maua ai o Ia i aso taitasi ma aso uma.