“Ua Sii A’e i Luga o le Satauro—O Nai Vaega,” Mo Le Malosi o le Autalavou, Nov. 2022.
Ua Sii A’e i Luga o le Satauro
O Nai Vaega
O se tasi mafuaaga tatou te le faamamafaina ai le satauro e avea ma faatusa e pogai mai o tatou tupu’aga faale-Tusi Paia. Talu ai o le faasatauroga o se tasi o ituaiga e sili ona tiga e faaoo ai le oti i le Malo o Roma, e toatele uluai soo o Iesu na filifili e aua nei faatauaina lena auala faameaola e faaoo ai mafatiaga. O le uiga o le maliu o Keriso, sa mautinoa le totonugalemu i lo latou faatuatuaga, peitai pe a ma le 300 tausaga sa latou sailia ai lava e momoli atu le faasinomaga o la latou talalelei e ala i isi auala. …
O se isi mafuaaga o le le faaaogaina o satauro e avea ma faatusa, o la tatou faamamafa i le vavega atoa o le misiona a Keriso—Lona Toetu mamalu faapea foi Ona mafatiaga ma le maliu taulagaina. …
… I atunuu uma ma augatupulaga uma, ua Ia fetalai mai ia i tatou uma, “Ai se alii [po o se tamaitai] e fia mulimuli mai ia te au, aua ne’i usiusitai o ia ia te ia, a ia ave e ia lona satauro, i le mulimuli mai ai ia te au” [Mataio 16:24].
O loo talanoa lea i satauro o loo tatou tauaveina ae le o satauro o loo tatou asoaina. Ina ia avea ma soo o Iesu Keriso, e tatau i le tagata ona amoina i nisi taimi se avega—lau oe lava po o se avega a se isi—ma alu i le mea o loo manaomia ai le ositaulaga ma lē ma’alofia ai mafatiaga. O se Kerisiano faamaoni e le mafai ona mulimuli i le Matai i na o mea e malie o ia i ai. Leai. Tatou te mulimuli ia te Ia i mea uma, e aofia ai, pe a tatau ai, i mea tatou te fetagisi ma feagai ai ma faafitauli, ia atonu tatou te tutu ai na o i tatou i nisi taimi.
… Tau ina ia tatou mulimuli ia te Ia—ma le le faavaivai, e le tautevateva lava pe sola, e le ’alo i le galuega, e le ona ua mamafa o tatou satauro ma e le, mo sina taimi, foliga pogisa ai le ala.