“Ma Le Loto Atoa—O Nai Vaega,” Mo le Malosi o le Autalavou, Nov. 2022.
Ma Le Loto Atoa
O Nai Vaega
I le avea ai ma ni soo o Iesu Keriso, tatou te talitonu ma e mafai ona tuputupu a’e i upumoni taua e tolu.
Muamua, E Mafai ona Tatou Tausia a Tatou Feagaiga, Tusa Lava Pe Le Faigofie
Pe a oo ina luitauina lou faatuatua, lou aiga, po o lou lumanai—pe a e taumanatu pe aisea ua matua faigata ai le olaga a o la e te faia le mea sili e ola ai i le talalelei—manatua ua ta’u mai e le Alii ia i tatou ia nofouta e i ai to’atuga. O to’atuga o se vaega o le fuafuaga ma e le faapea ai ua tuulafoaiina oe; o se vaega o le uiga o le avea ma Ona [soo]. …
O le ola fifilemu e le aumaia ai le mana. O le paoa tatou te manaomia e tatalia ai le vevela o o tatou taimi o le mana o le Alii ma e tafe mai Lona mana e ala ia tatou feagaiga ma Ia. …
Lua, E Mafai ona Tatou Faatino i le Faatuatua
I le avea ai o ni soo o Iesu Keriso, tatou te malamalama o le faatuatua ia te Ia e moomia le faatino—aemaise lava i taimi faigata. …
Tolu, E Mafai ona Tatou Loto Atoa ma Olioli i lo Tatou Tuuto. …
… E le tatau lava ona ou mafaufau faapea o tofotofoga o le asō e fesiligia ai le alofa o le Atua ia te a’u pe liliu ai lo’u faatuatua ia te Ia i le masalosalo. …
Ma seia oo i le aso e faamaloloina ai manu’a o aso uma o le olaga nei, o le a ou faatalitali i le Alii ma faalagolago ia te Ia—i Lana taimi, Lona poto, ma Lana fuafuaga.
O lo tatou galulue faatasi ai, ou te fia tu faatasi ma Ia e faavavau. Ma Le Loto Atoa. O le iloa ai, a tatou alolofa ia Iesu Keriso ma o tatou loto atoa, Na Te toe tuuina mai ia i tatou mea uma.