“Fafagaina ma Le Tuuina Atu o Lau Molimau—O Nai Vaega,” Mo le Malosi o le Autalavou, Nov. 2022.
Fafagaina ma Le Tuuina Atu o Lau Molimau
O Nai Vaega
Pe O O’u Iloa ma Malamalama Po o Le A le Molimau?
O lau molimau o se meatotino sili ona faapelepele, e masani ona i ai faatasi ma lagona loloto faaleagaga. O nei lagona e masani ona fesootai filemu mai ma e faamatalaina o se “leo itiiti filemu” [1 Tupu 19:12]. O lou talitonuga po o le malamalama o le upumoni, e tuuina atu o se molimau faaleagaga e ala mai i le tosinaga a le Agaga Paia. …
O O’u Iloa Pe Faapefea ona Tuuina Atu La’u Molimau?
E te tuuina atu lau molimau pe a e faasoa atua ni lagona faaleagaga i isi. I le avea ai o se tagata o le Ekalesia, ua e maua ni avanoa e tuu atu ai lau molimau tautala i sauniga aloaia a le Ekalesia po o i sauniga e le aloaia, i talanoaga faafesagai taitoatasi ma aiga, uo ma isi.
O le isi auala e te faasoa atu ai lau molimau e ala lea i amioga amiotonu. …
O tagata o le Ekalesia e tutu o ni molimau o le Atua i taimi uma ma i mea uma, ma i nofoaga uma. O avanoa e fai ai lenei mea i le lalolagi o initoneti e faaaoga ai a tatou lava anomea musuia po o le faasoa atu o anomea faagaeetia na saunia e isi ua le gata mai lea. …
O A ni Mea Faalavefau i le Tuuina Atu o La’u Molimau?
O mea faalavefau i le tuuina atu o lau molimau e ono aofia ai le le mautonu e uiga i se upu e fai atu. …
O le isi mea faalavefau … o le fefe. …
… O le mauaina o le faatuatua … o le a faataga oe e faatoilalo nei lagona. …
E Faapefea Ona Ou Tausisia La’u Molimau?
Ou te talitonu o se molimau o se vaega taua i totonu o i tatou, ae, ina ia tausisia ma atinae atoatoa, na aoao mai Alema e ao ona tatou “tausia a tatou molimau ma le faaeteete tele [tagai i le Alema 32:37]. …
Ou uso e ma tuafafine peleina, ou te folafola atu a o outou atili malamalama atoatoa i le mea e ta’u o le molimau, ma a o outou faasoa atu, o le a outou faatoilalo ai mea faalavefau o le le mautonu ma le fefe, ma mafai ai ona outou fafaga ma tausisia lenei meatotino aupito sili ona taua, o lau molimau.