“Ia Faamaoni i le Atua ma Lana Galuega—O Nai Vaega,” Mo le Malosi o le Autalavou, Nov. 2022.
Ia Faamaoni i le Atua ma Lana Galuega
Iurukuei
O se tasi o faataitaiga matagofie i tusitusiga paia o atugaluga … e uiga i le sailia o se molimau i le galuega a le Atua ma Iesu Keriso o loo aumaia i fautuaga a Alema i ona atalii e toatolu—o Helamana, Sepulona, ma Korianetona. …
O le popolega muamua o Alema … e faapea e tofu le tagata ma se molimau ia Iesu Keriso ma ia faamaoni i le Atua ma Lana Galuega.
… O Sepulona sa amiotonu e pei o lona uso o Helamana. O le fautuaga ou te fia faamamafa atu o le Alema 38:12, lea e faitauina se vaega, “Ia [faagutu] ou tuinanau uma, ina ia mafai ona faatumuina oe i le alofa.”
… E le leaga le tino—e matagofie ma e tatau ai—ae o nisi o lagona malolosi, a lē faaaogaina tatau ma faagutu talafeagai, e mafai ona tavavaeese ai i tatou mai le Atua ma Lana galuega ma aafia leaga ai la tatou molimau. …
E faaopoopo atu i le faafoefoeina o le ita ma le faagutuina o o tatou tuinanau e tatau ona tatou ola i ni olaga mama a’ia’i, e ala i le puleaina o o tatou mafaufauga, gagana, ma taga fai. …
Talu ai sa faia e Korianetona amioga le mama sa tatau ai ia Alema ona aoao o ia e uiga i le salamo. …
O lea la, o le fautuaga puipui a Alema o le faagutu o tuinanau, ae o lana fautuaga mo i latou ua solitulafono ia salamo. …
E leai se tasi e mafai ona toe foi atu i le Atua e ala i ana lava galuega lelei; tatou te manaomia uma faamanuiaga o le taulaga a le Faaola. Ua agasala tagata uma, ma e na o le Togiola a Iesu Keriso e mafai ai ona tatou maua le alofa mutimutivale ma ola faatasi ai ma le Atua.