“O Le Asō—O Nai Vaega,” Mo Le Malosi o le Autalavou, Nov. 2022.
O Le Asō
O Nai Vaega
Ua ou uuina i lo’u lima se kopi o le Tusi a Mamona. O la’u lomiga tuai o le 1970, ma e pele ia te a’u. O ona foliga ua leaga ma masaesae, ae e leai se isi tusi e taua i lo’u olaga ma la’u molimau nai lo le tusi lenei. O le faitauina, na ou maua ai se molimau e ala i le Agaga e faapea, o Iesu Keriso o le Alo o le Atua, o Ia o lo’u Faaola, ma o nei tusitusiga paia o afioga a le Atua, ma o le talalelei ua toefuatai mai. …
“I le asō,” o se tasi o faifeautalai silisili o le Tusi a Mamona o Peresitene Russell M. Nelson. …
… Ua ia tauaao atu kopi o le Tusi a Mamona i le faitau selau o tagata, ma tuuina atu e le aunoa lana molimau ia Iesu Keriso. …
O loo faia e lo tatou perofeta soifua lana vaega e faalolovaia le lalolagi i le Tusi a Mamona. Ae e le mafai ona tatalaina na o ia faitotoa e faalolovaia ai. E tatau ona tatou mulimuli i lana taitaiga. …
… Ou te valaaulia outou i le asō, e tuu atu se Tusi a Mamona i au uo ma aiga, o au uo mamae i le galuega, o lou faiaoga soka, po o le tamaloa o faatau fua o faatoaga i le tou maketi. Latou te manaomia afioga a le Alii o loo maua i lenei tusi. …
Ou te molimau atu e faapea e ala i le mamanu paia na saunia ai le Tusi a Mamona i Amerika anamua ia oo mai e folafola atu le afioga a le Atua, ia aumaia agaga i le Alii o Iesu Keriso ma Lana talalelei toefuatai “i le asō.”