“Fiafia ma le Faavavau—O Nai Vaega,” Mo Le Malosi o le Autalavou, Nov. 2022.
Fiafia ma le Faavavau
O Nai Vaega
O le olioli moni, tumau ma le faavavau faatasi ma i latou tatou te alolofa i ai o le ute tonu lea o le fuafuaga o le fiafia a le Atua. …
… Ae, e leai se tasi o i tatou po o se aiga e atoatoa. …
… Ua tatou maua se avanoa maoae ma se meaalofa e iloa ai le malamalama fou faaleagaga, alofa, salamo, ma le faamagalo atu o le tasi i le isi ma o tatou aiga, i le olaga nei ma le faavavau. …
… E totonugalemu i le fuafuaga a le Atua o le togiola ma le fiafia, o Iesu Keriso, e ala i Lana Togiola, ua folafola mai ai e tuufaatasia o tatou agaga ma le tino, “e le mafai ona toe tuueseeseina, ina ia mafai ona tatou maua se atoatoaga o le olioli” [Mataupu Faavae ma Feagaiga 138:17].
… Togiola—i se-tasi-tulaga ia Keriso— … e mafai ona ogatusa ma Ia ma le tasi ma le isi.
… E silafia ma alofa atoatoa le Atua ia i tatou. …
… [O lea la] i le lalolagi o agaga, e oo lava ia i latou e agasala ma solitulafono e maua le avanoa e salamo ai. …
… Ua tuuina mai e le Alii ia i tatou le avanoa paia e avea atili ai e faapei o Ia a o tatou ofoina atu sauniga faaola sui o le malumalu e manaomia e isi ae le mafai ona faia mo i latou lava. …
… O le faaleleia o a tatou sootaga ma le faamaloloina o o tatou loto e maaa, atonu e le mafai e i tatou lava ia. Ae e mafai e le lagi ona aumaia ia i tatou le malosi ma le poto e sili atu i lo tatou lava iloa o le taimi e pipiimau ai, ma le ala e faamamulu ai. …
… Tau ina ia tatou latalata atili atu i lo tatou Faaola i le maota paia o le Alii, ma tau ina ia Ia tosina atu i tatou i le Atua ma i le tasi ma le isi, a o tatou lalagaina faatasi o tatou loto ma le mutimutialofa faaKeriso, upumoni, ma le alofa mutimutivale i a tatou tupulaga uma—i le olaga nei ma le faavavau, fiafia ma le faavavau. Ia Iesu Keriso, e mafai ai; ia Iesu Keriso, e moni ai.