“Talatuu o le Faamalosiauga—O Nai Vaega,” Mo Le Malosi o le Autalavou, Nov. 2022.
Talatuu o le Faamalosiauga
O Nai Vaega
E pei ona sa ta’u mai e lo’u tina ia te a’u, pe a ou faitio i se mea faigata, “E, Hal, ioe e faigata. E faapena lava. O le olaga o se tofotofoga.”
Sa mafai ona ia fai mai ma le toafimalie lena mea, e ataata foi, aua sa ia iloaina ni mea se lua. Po o le a lava le tauiviga, o le mea e sili ona taua o le taunuu lea i le aiga e faatasi ai ma lona Tama Faalelagi. Ma sa ia iloa e mafai ona ia faia e ala i le faatuatua i lona Faaola. …
O le talatuu o le faamalosiauga sa ia tuua mo i matou e sili ona faamatalaina i le Moronae 7, lea o loo faamalosiau ai e Mamona lona atalii o Moronae ma lona nuu. …
Ua ia tuu faamuamua Iesu Keriso, e faapei foi o i latou uma o e ua faamanuiaina i le tuuina atu o le faamalosiauga ia i latou o tauivi aga’i i luga i ala i lo latou aiga faalelagi. …
Na vaai Mamona i le agamalu o se faamaoniga lea o le malosi o lo latou faatuatua. …
Ona faamalosiau atu lea o Mamona ia te i latou e ala i le molimau atu faapea, o loo latou i ai i luga o le ala mo le mauaina o le meaalofa o o latou loto ua faatumuina i le alofa mama o Keriso. …
O le toe tepa i tua, ua ou iloa ai nei le ala e mafai ai e lena meaalofa o le alofa mama---le alofa mama o Keriso---ona faamalolosia, ta’ialaina, lagolagoina, ma suia lo’u tina i le tauiviga i lona ala i le aiga [faalelagi]. …
… E silafia e le Faaola auiliiliga uma o au tauiviga. Na Te silafia ou gafatia sili e tuputupu ae ai i le faatuatua, faamoemoe, ma le alofa mama.
O poloaiga ma feagaiga ua Ia ofoina atu ia te oe e le o ni su’ega e pulea ai oe. O ni meaalofa e si’i a’e ai oe agai atu i le mauaina o meaalofa uma a le Atua ma le toe foi atu i le aiga i lou Tama Faalelagi ma le Alii, o e alolofa ia te oe.