“E Avegofie Lana Amo, o Lana Avega Foi e Mama Ia—O Nai Vaega,” Mo le Malosi o le Autalavou, Nov. 2022.
E Avegofie Lana Amo, o Lana Avega Foi e Mama Ia
O Nai Vaega
E tele lauga na tuuina mai e o tatou taitai faale-Ekalesia i le alofa mamā, lotogatasi, alofa, agalelei, mutimutialofa, lotofaamagalo, ma le alofa mutimutivale. Ou te talitonu o loo valaaulia i tatou e le Faaola ia ola i se ala maualuga ma pa’ia atu—o Lana ala o le alofa lea e mafai ai e tagata uma ona lagona o i latou moni o ni ō ma e manaomia.
Ua poloaiina i tatou e alolofa i isi, ae aua le faamasinoa i latou. Tatou faataatia i lalo lena avega mamafa; e le o sa tatou e tauave. Ae, e mafai ona tatou tauamoina le amo a le Faaola o le alofa ma le mutimutialofa. …
… O i latou na Ia pa’i i ai na lagonaina Lona alofa, ma o lena alofa na faamalolo ma suia ai i latou. O Lona alofa na musuia ai i latou e mananao ia suia o latou olaga. O le ola ai i Lona ala e aumaia ai le olioli ma le filemu, ma sa Ia valaaulia isi i lena ala o le ola ai ma le agamalu, agalelei, ma le alofa. …
… A o tatou aoaoina auauai e faia mea ua Ia poloaiina ai i tatou—e le ona o se tiute po o faamanuiaga tatou te ono mauaina ae ona o le alofa mama mo Ia ma lo tatou Tama Faalelagi o le a tafe mai Lona alofa e ala mai ia i tatou ma faia mea uma e poloai mai ai o Ia e le gata ia mafai ae mulimuli ane o le a matua faigofie ma māmāma atili ai ona olioli nai lo se mea sa tatou mafaufauina. …
… E manaomia e tagata uma ona lagona o i latou moni lava o ni itutino ma o loo manaomia i le tino o Keriso. O le manao tele a Satani o le faaeseese o fanau a le Atua, ma ua matua faamanuiaina lava, peitai o loo i ai se mana tele i le lotogatasi. Ma le ala tatou te matuā moomia ai le galulue faatasi ma le felagolagomai i lenei malaga faigata o le olaga.