Tojonirina R.

17, Madagaska

Pikja

yangfala man

Foto i kam long Valisoa Rakoto

Nem blong miTojonirina, mi blong Antananarivo, Madagaska. Mi laekem blong lisin long ol miusik we i givim pis long maen, stap ridim ol buk, mo laekem blong plei basketbol mo futbol.

Taem mi gat eit yia, mi bin jusum blong kasem baptaes. Taem mi bin go andanit fulwan long wota, mi bin filim wan spesel hapines we i kam tru long spirit. Sot taem afta baptaes blong mi, mama blong mi i ded. Mi harem nogud tumas. Nogat wan pikinini bae i mas save olsem wanem nao yu filim, taem yu lusum mama blong yu.

Be, afta long tri yia, mifala i bin go long tempol mo sil olsem wan famli. Spesel filing ia blong Spirit i bin kambak long dei ia, mo mi bin filim se mama blong mi i bin stap long saed blong mi insaed long tempol. Mi gat fet se bae mi luk hem bakegen sam dei.

Oltaem mi traehad blong tingbaot wanem we mi bin filim long tempol. Mi holemtaet Spirit ia wetem mi taem mi stap ridim ol skripja mo stadi abaot ol blesing blong tempol. Taem ol mesej blong wol oli traem blong mekem mi gat tu tingting, mi stadi ol skripja mo gat tras long ol toktok blong ol profet. Oli leftemap tingting blong mi mo mekem fet blong mi i kam strong moa.