“Samtaem, mi filim se papa mo mama blong mi oli talem plante samting tumas we oli no agri o no laekem abaot mi. “?Olsem wanem bae mi ansa long tufala wetem respek?,” Blong Ol Yut Oli Kam Strong, Jenuware 2023.
Ol Kwestin mo Ol Ansa
“Samtaem, mi filim se papa mo mama blong mi oli talem plante samting tumas we oli no agri o no laekem abaot mi. “?Olsem wanem bae mi ansa long tufala wetem respek?”
Spendem Taem Tugeta
Papa mo mama blong yu i givim advaes mo oli stretem yu from se oli lavem yu mo wantem blong helpem yu gat sakses. Taem oli stretem yu,mo yu filim olsem se i no fea, tekem taem blong tokbaot wetem papa mo mama blong yu taem yufala evriwan i gat tingting we i stap daon. Yu save faenem wan taem we yutufala tugeta i stap mekem wan samting tugeta, olsem kuk o eksasaes. Hemia bae i invaetem Spirit long storian blong yutufala.
Rebekah M., 17, Merilan, YSA
Tingbaot Se Oli Lavem Yu
Sapos yu tingbaot se papa mo mama blong yu oli stretem yu mo givim kaonsel long yu from se oli lavem yu, hem i isi moa blong akseptem wanem we oli stretem yu from. Talem wan kwik prea blong askem Spirit blong i helpem yu blong gat respek mo putum tingting i stap daon blong helpem yu toktok plante wetem olgeta.
Lauren M., we i gat 16 yia, Teksas YSA
Fasin blong Stap Ones I Save Hilim Man
Wan gud, ones storian i save ansarem eni kaen blong raorao. Sidaon wetem papa mo mama blong yu mo toktok long olgeta. Talem long olgeta wanem nao i mekem yu harem nogud, mo lisin long wanem i mekem olgeta i harem nogud o oli no glad long hem. Spendem moa taem tugeta, mo lukaotem gud lav mo pis long rilesensip blong yufala mo long hom. Taem yu kros, askem Papa long Heven blong mekem hat blong yu i go daon.
Rafaella P., 17, São Paulo, Brasil
Talem long Olgeta Se Yu Lavem Olgeta.
Yu save ansa wetem respek, iven sapos hem i had. Talem long papa mo mama blong yu se yu lavem olgeta, se yu laekem olgeta, mo yu save se oli lavem yu. Letem olgeta save se wanem oli talem i mekem yu harem nogud long saed blong filing, spirit mo tingting. Prea oltaem. Papa long Heven bae i helpem yu.
Wellie S., 13, Luanda, Angola
Oli Luk Wanem Yu Save Mekem
God i wantem wan i gud blong wanwan long yumi mo luk wanem nao yumi save mekem stret. Hemia nao from wanem Hem i askem plante samting long yumi. !Papa mo mama blong yu, oli luk wanem yu save mekem mo oli wantem wanem i moa gud blong yu blong yu save winim! Olgeta oli no stret evriwan blong leftemap yu blong muv i go fored mo yu no stret evriwan blong winim. Gat wan storian we i ones mo i gat lav wetem papa mo mama blong yu mo bae Spirit bae i lidim yu blong yufala andastanem yufala.
Brooke T., 18 yia, Arisona, YSA
Stap wan we i Lisin Wetem Tingting I Stap Daon
Mi stap traem blong kam wan man blong lisin gud. Mi traem blong stap kwaet mo lisin long wanem papa mo mama blong mi i gat blong talem, be i no blong rao o kros long tufala. I tekem plante blong gat fasin blong save wet long taem mo tingting i stap daon, be taem yu mekem olsem ia bae i save mekem rilesensip blong yu wetem papa mo mama blong yu i kam moa gud mo bae yufala evriwan i save andastanem yufala.
Kami K., 18, Yuta, YSA