“Moa Olsem Kraes,” Blong Ol Yut Oli Kam Strong, Jenuware 2023.
Moa Olsem Kraes
Wan pat blong program blong Ol Pikinini mo Ol Yut, i blong kam moa olsem Kraes taem oli stap groap long saed blong spirit, sosol laef, bodi mo waes (luk long Luk 2:52). Bilivim o no, stap wok from ol gol i no sapos blong had samting olsem we yu stap tingting long hem. !Luk olsem wanem ol yut raon long wol oli stap groap blong kam moa olsem Kraes!
Long saed blong Spirit
Nem: Catalina
Ples: Jili
Gol: Ridim ol skripja mo prea evri dei
“Mi traem blong stap kolosap long Spirit taem mi stap prea. Mi prea evri naet bifo mi go long bed mo afta mi ridim ol skripja blong mi. Mi stap wok had blong andastanem gud olgeta. Taem mi rid mo prea evri dei, mi filim pis mo kam kolosap long God.”
Sosol laef
Nem: Raisa
Ples: Samoa
Gol: Kam blong save gud ol yang woman.long klas blong hem,
“Maet mi save evri nem blong ol yang woman long wod blong mi, be mi no save gud huia olgeta mo wanem oli laekem. So mi statem wetem wanwan long ol yang woman, mo olsem wan we i no toktok tumas olsem mi, mi kam blong laekem olsem wanem mi fanemaot plante samting we mifala i gat i semak. Moa taem we mi tekem blong save gud olgeta, moa mi luk ol naesfala yang woman ia long wei we Papa long Heven i stap luk olgeta long hem.
Long Saed blong Bodi
Nem: Eugene
Ples Kenya
Gol: Blong kam moa gud long futbol (soka)
“Mi stat blong stap praktis wetem wan tim blong ol fren long las manis. Eksperiens ia i bin helpem mi blong andastanem se God i no wantem yumi blong mekem hemia yumi wan. Yumi save gat ol fren blong joenem yumi long ol gol blong yumi blong kam olsem Sevya. Hem i save se yumi nidim yumi wanwan blong gat sakses. Sapos yumi prea, bambae Hem i putum ol pipol long laef blong yumi blong helpem yumi kam moa gud.”
Long saed blong Waes
Nem: Jackson
Ples: Saot Karolina, YSA
Gol: Blong longtaem: Blong gat wan trak blong salem kaekae wan dei; blong sot taem: Lanem blong stap mekem kaekae
“Mi talem long wan long ol lida blong ol Yang Man abaot wan gol blong mi blong gat wan trak blong salem kaekae. Hem i talem se,‘Evri yia mi mekem wan bak-tu-skul pati. Olsem wanem, blong yu kam kuk blong mifala?’ Mekem se mi mekem. Mi mekem abaot fifti hot dog mo ol beka long 45 minit. Mi lavem blong stap wetem olgeta boe long korom blong mi, mo mi kasem ol gudfala fidbak long eksperiens mo sam gud fidbak. Mo mi bin lanem fulap samting.”